దేశంలో రికార్డు స్ధాయిలో కరోనా కేసులు…

దేశంలో కరోనా పాజిటివ్ కేసుల సంఖ్య రోజురోజుకి పెరిగిపోతూనే ఉంది. గత 24 గంటల్లో రికార్డు స్దాయిలో 52,123 కేసులు నమోదుకాగా 775 మంది చనిపోయినట్లు వైద్య ఆరోగ్య శాఖ వెల్లడించింది.

ఇక దేశంలో కరోనా పాజిటివ్‌ కేసుల సంఖ్య 15,83,792కు చేరగా ఇప్పటివరకు 34,968 మంది మృత్యువాతపడ్డారు. కరోనా మహమ్మారి నుండి 10,20,582 మంది కోలుకోగా 5,28,242 యాక్టివ్ కేసులున్నాయి.

దేశంలో కరోనా కేసుల్లో మహారాష్ట్ర అగ్రస్ధానంలో ఉండగా దేశ రాజధాని ఢిల్లీలో కరోనా కంట్రోల్‌లోకి వచ్చింది. ఇక ఇప్పటివరకు 1,81,90,382 టెస్టులు నిర్వహించగా నిన్న ఒక్కరోజే 4,46,642 టెస్టులు చేశామని ఐసీఎంఆర్ తెలిపింది.