దేశంలో 25 లక్షలు దాటిన కరోనా కేసులు…

దేశంలో కరోనా పాజిటివ్ కేసుల సంఖ్య రోజురోజుకి పెరిగిపోతూనే ఉంది. రోజుకు 60 వేలకు పైగా పాజిటివ్ కేసులు నమోదవుతుండగా క‌రోనా కేసులు 25 ల‌క్ష‌లు దాటాయి.

గత 24 గంట‌ల్లో కొత్త‌గా 65,002 పాజిటివ్ కేసులు న‌మోదుకాగా 996 మంది మృతిచెందారు. దీంతో ఇప్పటివరకు కరోనా పాజిటివ్ కేసుల సంఖ్య 25,26,193కు చేరగా 49,036 మంది మృత్యువాతపడ్డారు.

ప్రస్తుతం యాక్టివ్ కేసుల సంఖ్య 6,68,220గా ఉండగా 18,08,937 మంది కరోనా నుండి కోలుకుని డిశ్చార్జి అయ్యారు. ఆగ‌స్టు 14 నాటికి దేశ‌వ్యాప్తంగా 2,85,63,095 టెస్టులు చేయగా నిన్న ఒక్కరోజే 8,68,679 మందికి క‌రోనా ప‌రీక్ష‌లు చేశామ‌ని తెలిపింది.