భారత యువ క్రికెటర్‌ హార్దిక్‌ పాండ్య నెటిజన్లకు దిమ్మతిరిగిపోయే ఆన్సర్‌ ఇచ్చాడు. ఇప్పటికే పాండ్యా పై వస్తున్న రూమర్ల నేపథ్యంలో మరో రూమర్‌ లో చిక్కుకున్నాడు పాండ్యా. ఒక రకంగా చెప్పాలంటే..నెటిజన్లే పాండ్యాపై రూమర్లు క్రియేట్‌ చేశారు. అందుకు పాండ్యా చేసిన పనికూడా తక్కువేంకాదులెండి. అందుకే పాండ్యా ఇప్పుడా రూమర్‌ కి పుల్‌ స్టాప్‌ పెట్టేశాడు.
అసలు విషయానికొస్తే.. తాజాగా పాండ్య ఓ యువతితో కలిసి దిగిన ఫొటో నెట్టింటో తెగ చెక్కర్లు కొడుతోంది. ఇంకేముంది ఫ్యాన్స్ ఆ ఫోటోను చూసి తెగ కామెంట్స్‌ పెట్టడం స్టార్ట్‌ చేశారు.
పాండ్య ప్రేమలో పడ్డాడా? అంటూ ప్రశ్నల వర్షం కురిపిస్తూనే..‘పాండ్య త్వరగా ఆ గుడ్‌ న్యూస్‌ ఏంటో చెప్పెయ్‌’ అంటూ ఫ్యాన్స్ ఆరాటంగా అడిగేశారు. ఇక ఈ కామెంట్ల పై ట్విట్టర్‌ ద్వారా పాండ్యా రియాక్ట్ అయ్యాడు. ‘మిస్టరీ వీడింది. ఆమె నా సోదరి’ అని బాంబ్‌ పేల్చేశాడు. ఇంకేముందీ.. పాండ్యా ట్వీట్‌ తో ఫ్యాన్స్ ఒక్కసారిగా షాక్ అయ్యారు.
ఇక ఇదిలా ఉంటే..ఆసీస్‌తో జరిగిన ఐదు వన్డేల సిరీస్‌లో పాండ్య ఆల్‌రౌండ్‌ ప్రదర్శనతో ‘మ్యాన్‌ ఆఫ్‌ ద సిరీస్‌’ అందుకున్న పాండ్యా.. ఆసీస్‌తో జరగబోయే టీ20 సిరీస్‌ కోసం బీసీసీఐ ఎంపిక చేసిన జట్టులో చోటు దక్కించుకున్నాడు. ఇరు జట్ల మధ్య తొలి టీ20 ఈ నెల 7న రాంచీలో జరగనుంది.
