ఇంగ్లాండ్‌తో తొలి టీ20…భారత్ గెలుపు

ఇంగ్లాండ్‌తో జరిగిన తొలి టీ20లో భారత్ గెలుపొందింది. భారత్ విధించిన 199 పరుగుల లక్ష్యంతో బరిలోకి దిగిన ఇంగ్లాండ్ 19.3 ఓవర్లలో 148 పరుగులకు ఆలౌటైంది. దీంతో భారత్ 50 పరుగుల తేడాతో విజయం సాధించింది. మొయిన్‌ అలీ (36; 4 ఫోర్లు, 2 సిక్సర్లు), బ్రూక్‌ (28) పోరాడినా ఫలితం లేకపోయింది. చాహల్‌, అర్శ్‌దీప్‌ చెరో రెండు వికెట్లు పడగొట్టారు.

ఇక అంతకముందు తొలుత బ్యాటింగ్ చేసిన భారత్ ఇన్నింగ్స్‌ను ధాటిగా ప్రారంభించింది. ఆల్‌‌‌‌రౌండర్‌‌‌‌ హార్దిక్‌‌‌‌ పాండ్యా (33 బాల్స్‌‌‌‌లో 6 ఫోర్లు, 1 సిక్స్‌‌‌‌తో 51) హాఫ్‌‌‌‌ సెంచరీతో దంచికొట్టగా కెప్టెన్‌‌‌‌ రోహిత్‌‌‌‌ (24),దీపక్‌‌‌‌ హుడా (33), సూర్యకుమార్‌‌‌‌ (39), అక్షర్‌‌‌‌ (17), దినేశ్‌‌‌‌ కార్తీక్‌‌‌‌ (11) పరుగులు చేశారు. మొయిన్‌‌‌‌ అలీ, జోర్డాన్‌‌‌‌ చెరో రెండు వికెట్లు తీశారు. శనివారం రెండో టీ20 జరుగనుంది.