మొదటి సారి మెగా ఫ్యామిలీ నుంచి వారికి బంధువైన వ్యక్తి ఇండస్ట్రీలోకి అడుగుపెట్ట బోతున్నాడు. ఫస్ట్ లుక్ చూడగానే ఎవరో మీకు అర్దమైపోయి ఉంటుంది. మెగాస్టార్ చిరంజీవి చిన్నల్లుడు శ్రీజ భర్త కానుగంటి కళ్యాణ్ దేవ్ హీరోగా అరగ్రేటం చేయడానికి అన్ని ఏర్పాట్లు పూర్తయ్యాయి.
కల్యాణ్ దేవ్ హీరోగా రాకేశ్ శశి దర్శకత్వం వహిస్తోన్న ఈ సినిమాకి రీసెంట్ గా ‘విజేత’ అనే టైటిల్ ను ఖరారు చేసి టైటిల్ పోస్టర్ ను వదిలారు. ఈ కాన్సెప్ట్ పోస్టర్ అందరిలోనూ ఆసక్తిని రేకెత్తించింది. తాజాగా ఈ సినిమా నుంచి ఫస్టులుక్ ను రిలీజ్ చేశారు.
కల్యాణ్ దేవ్ సింపుల్ లుక్ తో ఈ పోస్టర్ ను వదిలారు. అతనికి అవతల వైపున మురళీ శర్మ కనిపిస్తున్నాడు. కథలో కల్యాణ్ కి ఆయన తండ్రి పాత్రను పోషిస్తూ ఉండవచ్చనీ .. ఇది తండ్రీ కొడుకుల అనుబంధానికి ప్రాధాన్యతనిచ్చే కథ కావొచ్చని అనిపిస్తోంది. ఈ సినిమాలో కల్యాణ్ దేవ్ జోడీగా మాళవిక నాయర్ కనిపించనుంది. సాయి కొర్రపాటి నిర్మిస్తోన్న ఈ సినిమాను జూలైలో విడుదల చేయనున్నారు. మొదటి సినిమాతో మెగా అల్లుడు ఎన్ని మార్కులు కొట్టేస్తాడో చూడాలి మరి.
