మాజీ పోర్న్‌స్టార్‌, ఇప్పటి బాలీవుడ్‌ నటి సన్నీలియోన్ జీవితం ఆధారంగా ఓ డాక్యుమెంటరీ వచ్చేసింది. ఈ డాక్యుమెంటరీ ‘మోస్ట్లీ సన్నీ’ పేరుతో విడుదలైంది.
సన్నీకి సంబంధించిన పలు ఆసక్తికర విషయాలు ఇందులో బయటపడ్డాయి. అసలు సన్నీ అశ్లీల చిత్రాలు విడుదలయ్యేంత వరకు ఆమె అలాంటి సినిమాల్లో నటిస్తోందన్న విషయం చాలా మందికి తెలియదట.
కెరీర్‌ ప్రారంభంలో సన్నీ ఓ మ్యాగజీన్‌ కోసం తొలిసారిగా నగ్నంగా ఫోటోలకు ఫోజిచ్చిందట. తాను అశ్లీల చిత్రాల్లో నటిస్తున్న విషయాన్ని రహస్యంగా ఉంచడం కోసం చాలా పాట్లు పడ్డదట. దీని కోసం స్థానిక షాపుల్లోని మ్యాగజైన్లన్నింటినీ కొనేసేదట. ఇన్ని జాగ్రత్తలు తీసుకున్నా.. ఈ విషయం కన్నవాళ్లకు తెలిసిపోయింది.
ఇక ఆ వార్త కాస్త.. ఆమె తల్లిదండ్రుల చెవుల్లో పడ్డ తర్వాత చాలా ఇబ్బందిగా ఫీలయ్యిందట. అంతేకాకుండా.. తొలినాళ్లలో దుర్భర జీవితాన్ని అనుభవించిన ఆమె.. డబ్బుల కోసం పెళ్లిళ్లల్లో డాన్సులు కూడా చేసిందట. ‘నేను చేసిన పిచ్చి పనుల్లో ఇదొకటి’ అని సన్నీయే స్వయంగా చెప్పింది.
అంతేకాదు.. వాళ్ల తల్లిదండ్రులు సిగ్గుతో తలెత్తుకోలేకపోయారని సన్నీ చెప్పింది. కుమార్తె అశ్లీల చిత్రాల్లో నటిస్తోందని తెలియగానే సన్నీ తల్లి ‘నువ్వు దుస్తులు లేకుండా నటిస్తున్నావా?’ అని అడిగిందట.
‘ఈ నిర్ణయం తీసుకునే ముందు కనీసం ఆలోచించావా? మాకు చెప్పాల్సిన అవసరం ఉందని అనిపించలేదా?’ అని ఆమె తండ్రి ఆగ్రహంగా ప్రశ్నించారట. ఆ తర్వాత కొంత కాలానికి ఆమెను అర్థం చేసుకున్నారట. ఇక చేసేదేమిలేక సన్నీ జీవితాన్ని ఆమె ఇష్టానికే వదిలేశారట.
కరుడు గట్టిన ఉగ్రవాది ఒసామా బిన్ లాడెన్ కూడా సన్నీకి సంబంధించిన వీడియోలను చూడటం ద్వారానే సాంత్వన పొందేవాడట. అయితే ఇదంతా అందర్నీ ఎంటర్‌టైన్‌ చెయ్యడానికే ఇలా చేశానని సన్నీ ధైర్యంగా చెప్పుకొచ్చింది. ఆమెపై కేసులు పెట్టి, అరెస్టు చేయించాలని చాలా మందే ప్రయత్నించారట.
నటన ద్వారా ఇంతలా మెప్పిస్తున్నా.. ఇంకా తనను కొంత మంది పోర్న్‌స్టార్‌గానే చూస్తున్నారని సన్నీ ఆవేదన వ్యక్తం చేసింది. ‘నేను హిందీ సినీ పరిశ్రమకు చెందిన వ్యక్తిని అయినప్పటికీ.. ఇప్పటికీ నన్ను అలా చూడటం లేదు’ అని సన్నీ ఆ డాక్యుమెంటరీలో వాపోయింది.
