‘ద‌ఢ‌క్’ మూవీ మేకింగ్ వీడియో..

మ‌రాఠీ చిత్రం సైర‌త్‌కి రీమేక్‌గా దఢక్‌ మూవీ రూపొందుతుంది. ఈ మూవీతో అందాల తార శ్రీదేవి కూతురు జాన్వీ క‌పూర్ వెండితెరకు పరిచయం అవుతున్న సంగ‌తి తెలిసిందే. ఇషాన్ ఖ‌ట్ట‌ర్ ఇందులో క‌థానాయకుడిగా న‌టిస్తున్నాడు. జూలై 20న మూవీ ప్రేక్ష‌కుల ముందుకు రానుంది . రొమాంటిక్ డ్రామాగా రూపొందుతున్న ఈ చిత్రాన్ని శ‌శాంక్ కైతాన్ తెర‌కెక్కించ‌గా, క‌ర‌ణ్ జోహార్ నిర్మించారు.

ఈ సినిమాపై అభిమానుల‌లో చాలా ఎక్స్ పెక్టేష‌న్స్ ఉన్నాయి. ఇప్ప‌టి వ‌ర‌కు చిత్రానికి సంబంధించి విడుద‌లైన పోస్ట‌ర్స్, టీజ‌ర్స్‌, ట్రైల‌ర్ సినిమాపై భారీ అంచ‌నాలు పెంచుతున్నాయి. ఇక తాజాగా ఈ సినిమాకు సంబంధించి మేకింగ్ వీడియో విడుద‌ల చేశారు. ఇందులో జాన్వీ, ఇషాన్‌ల మ‌ధ్య జ‌రిగిన సరదా స‌న్నివేశాల‌ని చూపించారు. ఇప్పుడు ఈ వీడియో అభిమానుల‌ని అల‌రిస్తు వైరల్‌గా మారింది.