అందం, అభినయంలో కాజల్ కు ఫుల్‌ మార్కులు పడ్డా..డ్యాన్సుల విషయంలో కాజల్ అంతగా గుర్తింపు తెచ్చుకోలేకపోయింది. ఏదో హీరో పక్క అలా ఆడిపడేస్తుంటుంది. కానీ చిరంజీవి 150 సినిమాలో డ్యాన్సుల్లో కాస్త కొత్తదనం చూపించిందట కాజల్. మిగతా సినిమాలకు..చిరు సినిమాకు డ్యాన్సుల్లో కాస్త మెరుగైయ్యానంటోంది కాజల్. మరి దీనికి కారణం ఎవరో కాదు చిరునేనట. డ్యాన్సు చేసే సమయంలో చిరు..కాజల్ కు కాస్త మెలకువలు నేర్పాడట. తెలుగు చిత్ర పరిశ్రమలో చిరంజీవి నిజంగా ఓ గొప్ప డ్యాన్సర్’ అంటూ పొడిడేసిన కాజల్..లొకేషన్ సమయంలో చిరుతో గడిపిన అనుభవాలను నేమరువేసుకుంది ఈ భామ అంతేకాదు చిరును పొగడలతో ముంచేసింది.
మెగాస్టార్ చిరంజీవి అందం నాలుగురెట్లు పెరిగిందంటోంది అందాలభామ కాజల్ అగర్వాల్. ఖైదీ నంబర్ 150 చిత్రంలో చిరంజీవితో జతకట్టిన అమ్మడు మెగా స్టార్ పై పొగడ్తల వర్షం కురిపించింది. ‘మెగా ఇమేజ్ ను కూడా పక్కన పెట్టి సెట్లో అందరితో సరదాగా ఉండే వారు.నేను సెట్ లో కంఫర్టబుల్ గా మూవ్ అయ్యేలా అవకాశం ఇచ్చారు. నేను నటించిన చిత్రాల్లోని ఏ ఇతర హీరోతో కూడా అంత సరదాగా గడపలేదు. సెట్లో ఉన్న వారందరితో చాలా ఫ్రెండ్లీగా ఉండేవారు. షూటింగ్ సమయంలో ఆయనతో సరదాగా జోకులు కూడా వేశానంటూ తెగ సంబరపడుతోంది. డ్యాన్స్ చేసే సమయంలో చిరు కొన్ని సలహాలు కూడా ఇచ్చారు. వాటి ద్వారా నా డ్యాన్స్ లో మార్పు కూడా వచ్చింది. ఆ మార్పును సినిమా రిలీజ్ అయిన తర్వాత మీరే చూడొచ్చు.
ఇంత కాలం చిరు సినిమా కోసం ఎదురు చూసిన అభిమానులను ఈ చిత్రం తప్పకుండా అలరిస్తుంది. మెగాస్టార్ తో కలిసి నటించడం అదృష్టంగా భావిస్తున్నా. అయనతో కలిసి పని చేయడం నాకు ఎంతో ప్రత్యేకం’ అంటూ కాజల్ మురిసిపోయింది. సురేఖ సమర్పణలో వీవీ వినాయక్ దర్శకత్వంలో ఖైదీ నెంబర్ 150చిత్రాన్ని రామ్ చరణ్ నిర్మిస్తున్నారు. దేవిశ్రీ ప్రసాద్ మ్యూజిక్ అందిస్తున్నారు.తమిళంలో ఘన విజయం సాధించిన కత్తి చిత్రానికి రీమేక్ గా వస్తున్న ఈ చిత్రం 2017 సంక్రాంతికి రిలీజ్ చేయాలని చూస్తున్నారు.
