బెల్లకొండ శ్రీనివాస్ జయజానకినాయక మూవీతో మాస్ ఆడియెన్స్ లో క్రేజ్ తెచ్చుకున్నాడు. ఇప్పుడు అదే ఊపుతో తన తదుపరి సినిమా షూటింగ్ లో సందడి చేస్తున్నాడు. అభిషేక్ పిక్చర్స్ పతాకం పై అభిషేక్ నామ ఈ సినిమాను నిర్మిస్తున్నారు. ‘లక్ష్యం’ .. ‘లౌక్యం’ .. ‘డిక్టేటర్’ వంటి సినిమాలను తెరకెక్కించిన శ్రీవాస్, ప్రస్తుతం బెల్లంకొండ శ్రీనివాస్ హీరోగా ఒక సినిమా చేస్తున్నాడు.
ప్రస్తుతం ఈ సినిమా షూటింగ్ ‘పొలాచ్చి’లో జరుగుతోంది. బెల్లంకొండ శ్రీనివాస్,పూజా హెగ్డే, జగపతిబాబు ,శరత్ కుమార్, వెన్నెల కిషోర్ తదితరులు పాల్గొనగా యాక్షన్ సన్నివేశాలను తెరకెక్కిస్తున్నారు. డీజేతో ఓవర్ నైట్ స్టార్ హీరోయిన్ గా మారిన పూజా హెగ్ధే ఈ సినిమాలో హీరోయిన్ గా నటిస్తుంది.
అయితే 15 రోజుల పాటు ఇక్కడ యాక్షన్ సీన్స్ నే చిత్రీకరించనున్నారు. పీటర్ హెయిన్స్ అధ్వర్యంలో ఈ పోరాట సన్నివేశాలను తెరకెక్కిస్తున్నారు. ఆ తరువాత షెడ్యూల్ ను హైదరాబాద్ లోనే ప్లాన్ చేశారట. ‘జయ జానకి నాయక’ హిట్ తరువాత బెల్లంకొండ శ్రీనివాస్ .. ‘దువ్వాడ జగన్నాథం’ సక్సెస్ తరువాత పూజా హెగ్డే చేస్తోన్న సినిమా ఇది. ఈ ఇద్దరి కాంబినేషన్‌లో రూపొందుతోన్న ఈ సినిమా కూడా హిట్ కొడుతుందేమో చూడాలి మరి.
