నటసింహం నందమూరి బాలకృష్ణ దర్శకుడు బోయపాటి శ్రీనివాస్ కాంబినేషన్ లో మూడవ సినిమా తెరకెక్కనుంది. ఈమూవీ షూటింగ్ కొంత వరకు పూర్తి చేసుకుంది. లాక్ డౌన్ కారణంగా ఈమూవీ షూటింగ్ వాయిదా పడగా త్వరలోనే రెగ్యూలర్ ఫూటింగ్ ప్రారంభంకానుంది. మిర్యాల రవీందర్ రెడ్డి ఈమూవీని నిర్మించగా..తమన్ సంగీతం అందిస్తున్నారు. బాలయ్య పుట్టినరోజు సందర్బంగా ఈమూవీ టీజర్ ను విడుదల చేసింది చిత్రయూనిట్. ఈ టీజర్ ను అద్భుతమైన స్పందన వచ్చింది.
కాగా తాజాగా ఉన్న సమాచారం మేరకు ఈమూవీ టైటిల్ ను ఖరారు చేసినట్లు తెలుస్తుంది. ఈసినిమాకు మోనార్క్ అనే టైటిల్ ఖరారు చేశారని విశ్వసనీయ వర్గాల సమాచారం. త్వరలోనే అధికారికంగా టైటిల్ ను ప్రకటించనున్నారు చిత్రయూనిట్. కాగా 2021సంక్రాంతికి ఈమూవీని విడుదల చేసేందుకు సన్నాహాలు చేస్తున్నారు చిత్రయూనిట్. బాలయ్య బోయపాటి కాంబినేషన్ లో సినిమా అంటే పెద్ద ఎత్తున అంచనాలు ఉంటాయి. గతంలో వీరిద్దరి కాంబినేషన్ లో తెరకెక్కిన సింహా, లెజెండ్ సినిమాలు భారీ విజయాలు అందుకున్న సంగతి తెలిసిందే.
