వైవిధ్యమైన సినిమాలకు కేరాఫ్ అడ్రస్ హీరో నాని. ప్రస్తుతం వివేక్ ఆత్రేయ దర్శకత్వంలో అంటే సుందరానికి అనే సినిమా చేయగా ఇవాళ ప్రేక్షకుల ముందుకువచ్చింది. ఇక ఈ సినిమా ప్రీ రిలీజ్‌కు పవన్ అతిథిగా రాగా అంచనాలు పెరిగిపోయాయి. ఆ అంచనాలకు తగ్గట్టే సినిమాను చూసి నెటిజన్స్ ప్ర‌శంస‌ల వ‌ర్షం కురిపిస్తూ ట్వీట్స్ చేస్తున్నారు.
నాని మ‌రోసారి త‌న న‌ట‌న‌తో ప్రేక్ష‌కుల‌ను ఆక‌ట్టుకున్నార‌ని ప్రశంసలు గుప్పిస్తూ ట్వీట్ చేస్తున్నారు. నేచుర‌ల్ కామెడీ, ఎమోష‌న్స్ చ‌క్క‌గా వ‌ర్క‌వుట్ అయ్యాయ‌ని, నాని, న‌జ్రియా స‌హా న‌టీన‌టులు త‌మ న‌ట‌న‌తో స‌న్నివేశాల‌ను అద్భుతంగా పండించార‌ని కొంతమంది ట్వీట్ చేశారు.
సెకండాఫ్‌లో కామెడీ, ఎమోష‌న్స్ సినిమాకు ప్లస్ పాయింట్స్‌గా మారాయని ముఖ్యంగా నాని నటన సినిమాకు ప్లస్ పాయింట్ అని కొనియాడుతున్నారు. మొత్తంగా నెటిజన్స్ రివ్యూ చూస్తూంటే అంటే సుందరంతో నాని హిట్ కొట్టినట్టే కనిపిస్తోంది.
