ఈ రోజు తెలుగు బాక్సాఫీస్ వద్ద రెండు భారీ చిత్రాలు పోటీ పడ్డాయి. ఏజెంట్ ఒకటి కాగా, పొన్నియిన్ సెల్వన్ 2 మరొకటి. మరి ఈ రెండు చిత్రాల పరిస్థితి ఏమిటి ?, ఏ సినిమా ఎలా ఉంది ?, ఏ సినిమాకి ఎక్కువ ఓపెనింగ్స్ వచ్చాయి? చూద్దాం రండి. ముందుగా ఏజెంట్ విషయానికి వస్తే.. వరుస పరాజయాలతో సతమతమవుతున్న అఖిల్.. నటించిన ఏజెంట్ మూవీ భారీ అంచనాల మధ్య ఈ రోజు ప్రేక్షకుల ముందుకొచ్చింది. స్టైలిష్ లుక్‌లో, కండ‌లు తిరిగిన దేహంతో యాక్షన్ సన్నివేశాల‌లో అఖిల్ అదరగొట్టాడు. హీరోయిన్ సాక్షి ఫర్వాలేదనిపించగా.. మమ్ముట్టి తన పాత్రకు న్యాయం చేశారు.
అయితే, ఏజెంట్ టాక్ బాగాలేదు. సినిమా నిరాశ పరిచింది అని ఫ్యాన్స్ సోషల్ మీడియాలో పోస్ట్ లు పెడుతున్నారు. ముఖ్యంగా సెకండాఫ్ ప్రేక్షకులకు బోర్ కొట్టించింది అని.. అయితే, యాక్షన్ సినిమాలను ఇష్టపడేవారికి మాత్రం ఈ ఏజెంట్ నచ్చుతుంది. కానీ, అఖిల్ ఎంతోకాలంగా ఎదురు చూస్తున్న సాలిడ్ హిట్ మాత్రం అతనికి దక్కలేదు. పైగా ఏజెంట్ కి ఓవర్ బడ్జెట్ కూడా అయ్యింది. ఈ నేపథ్యంలో ఏజెంట్ బ్రేక్ ఈవెన్ అవ్వడం కష్టమే. ఇక రెండో సినిమా పొన్నియిన్ సెల్వన్ 2 విషయానికి వస్తే..
Also Read:వీటితో..మీ ఆరోగ్యం పదిలం
మణిరత్నం డ్రీమ్ ప్రాజెక్ట్ గా వచ్చిన ఈ పొన్నియిన్ సెల్వన్ 2 ఈరోజు ప్రపంచవ్యాప్తంగా గ్రాండ్ గా విడుదలైంది. ఈ సినిమాను చూసిన ప్రేక్షకులు తమ రివ్యూను ట్వీట్ చేస్తున్నారు. ‘PS-2 తొలి భాగం కంటే బాగుందట. స్టోరీ ఇంట్రెస్టింగ్‌గా సాగుతుందని.. ముఖ్యంగా ఫస్టాఫ్ సూపర్బ్ అని.. ప్రతీ ఫ్రేమ్‌ ను మణిరత్నం అద్భుతంగా తీశారని పోస్ట్ లు పెడుతున్నారు. మెయిన్ గా VFX, యుద్ధ సన్నివేశాలు బాగా ఆకట్టుకున్నాయట. క్లైమాక్స్, BGM సినిమాకు హైలైట్ గా నిలిచాయట. ప్రస్తుతానికి ఈ సినిమాకి అంతటా పాజిటివ్ టాక్ నడుస్తోంది.
Also Read:Filmfare Awards 2023:విజేతలు వీరే
