పాక్‌లో ఉన్న టెర్రరిస్టులు తప్పించుకోలేరు!

‘ఆపరేషన్ సిందూర్’ వార్షికోత్సవం సందర్భంగా ఆమ్ ఆద్మీ పార్టీ (AAP) కన్వీనర్ అరవింద్ కేజ్రీవాల్ కీలక వ్యాఖ్యలు చేశారు. ఉగ్రవాదులు పాకిస్థాన్‌లో దాక్కున్నా సరే, వారిని భారత్ వదిలిపెట్టదని, అక్కడికి వెళ్లి మరీ తుదముట్టించే సామర్థ్యం మన దేశానికి ఉందని ఆయన పేర్కొన్నారు.

దేశ భద్రత విషయంలో ఎటువంటి రాజీ పడకూడదని, ఉగ్రవాదానికి వ్యతిరేకంగా భారత్ తీసుకుంటున్న కఠిన చర్యలను ఆయన సమర్థించారు.మన భద్రతా దళాల పరాక్రమం వల్ల సరిహద్దుల అవతల ఉన్న శత్రువులకు కూడా భయం పట్టుకుందని, ఆపరేషన్ సిందూర్ ఆ విషయాన్ని నిరూపించిందని ఆయన అన్నారు.

జాతీయ భద్రత మరియు ఉగ్రవాద వ్యతిరేక పోరాటం వంటి విషయాల్లో రాజకీయాలకు అతీతంగా అందరం ఏకతాటిపై ఉండాలని కేజ్రీవాల్ పిలుపునిచ్చారు.ఈ రోజు (మే 7, 2026) ఆపరేషన్ సిందూర్ వార్షికోత్సవం కావడంతో దేశంలోని ప్రధాన రాజకీయ నాయకులందరూ దీనిపై స్పందిస్తున్నారు. అమిత్ షా దీనిని ‘తిరుగులేని శక్తి’గా అభివర్ణించగా, కేజ్రీవాల్ ఉగ్రవాదులకు హెచ్చరికగా పేర్కొన్నారు.

Also Read:Modi:యావత్ దేశం సెల్యూట్ చేస్తోంది