రాష్ట్రంలో కొత్త‌గా 535 కరోనా కేసులు నమోదు..

తెలంగాణ రాష్ట్రంలో కరోనా కేసులు క్రమంగా మళ్ళీ పెరుగుతున్నాయి. రాష్ట్రంలో గత 24 గంటల్లో కొత్త‌గా 535 కరోనా కేసులు నమోదైనట్లు రాష్ట్ర వైద్య, ఆరోగ్య శాఖ ఈ రోజు ఉదయం వెల్లడించింది. అదే సమయంలో కరోనాతో ముగ్గురు ప్రాణాలు కోల్పోయారు. 278 మంది కోలుకున్నారు.

ఇక రాష్ట్రంలో నమోదైన మొత్తం కరోనా కేసుల సంఖ్య 3,06,339కి చేరింది. ఇప్పటివరకు మొత్తం 3,00,156 మంది కోలుకున్నారు. మృతుల సంఖ్య 1,688గా ఉంది. తెలంగాణలో ప్రస్తుతం 4,495 మంది కరోనాకు చికిత్స పొందుతున్నారు. వారిలో 1,979 మంది హోం క్వారంటైన్ లో చికిత్స తీసుకుంటున్నారు. జీహెచ్ఎంసీ ప‌రిధిలో కొత్త‌గా 154 మందికి క‌రోనా సోకింది.