నిన్నటి తరంలో తెలుగు వెండితెరకు వైవిధ్యాన్ని అద్దిన ప్రతినిధి సింగీతం శ్రీనివాసరావు. తన టేకింగ్ తో కాలాన్ని కట్టేసి భవిష్యత్తును చూపించిన ఘనమైన దార్శనిక దర్శకుడు సింగీతం శ్రీనివాసరావు. తన ఊహతో ఈ సినీ జగత్తులో ఎన్నో గమ్మత్తులు చేసి చూపించిన దర్శక దిగ్గజం సింగీతం శ్రీనివాసరావు. మరి అలాంటి గొప్ప దర్శకుడు ఒక యంగ్ డైరెక్టర్ వర్క్ కి ఫిదా అయ్యాడు అంటే.. కచ్చితంగా అది విశేషమే. యువ దర్శకుడు ప్రశాంత్ వర్మను దిగ్గజ దర్శకుడు సింగీతం శ్రీనివాసరావు పొగడ్తలతో ముంచెత్తారు. ప్రశాంత్ తాజా చిత్రం ‘హను-మాన్’ టీజర్ చూసిన ఆయన.. విజువల్స్‌ అద్భుతంగా ఉన్నాయన్నారు.
‘హను-మాన్’ టీజర్ ఆరంభంలో భారీ ఆకారంలో హనుమంతుడి విగ్రహాన్ని చూస్తుంటే.. నిజంగానే ఆయన్ని చూస్తున్నామా.. అనిపించేలా ఉంది. ప్రశాంత్ వర్మకు హ్యాట్సాఫ్‌. ఇండియన్‌ సినిమాలో ఈ సినిమా ఒక గొప్ప మార్క్‌ సృష్టించనుంది’’ అని ‘హను-మాన్’ టీజర్ గురించి సింగీతం శ్రీనివాసరావు క్రేజీ కామెంట్స్ చేశారు. ఇక తేజ సజ్జ హీరోగా వస్తున్న ‘హను-మ్యాన్’ సినిమా టీజర్ ఆద్యంతం ఆసక్తికరంగా సాగింది. ముఖ్యంగా ఈ టీజర్ లో.. పవర్ ఫుల్ షాట్ మేకింగ్, షార్ప్ కట్టింగ్ షాట్స్ చాలా బాగా ఆకట్టుకున్నాయి. అందుకే.. సింగీతం శ్రీనివాసరావు గారికి ఈ టీజర్ బాగా నచ్చి ఉంటుంది.
నిజానికి ఈ సినిమా టీజర్ లో అద్భుతమైన దృశ్యాలతో పాటు టాప్ క్వాలిటీ VFX వర్క్ ఉందని చాలా కామెంట్స్ వినిపించాయి. కెమెరామన్ శివేంద్ర వర్క్ ఇంప్రెసివ్ గా ఉంది. అలాగే, మ్యూజిక్ డైరెక్టర్ గౌరహరి గుడ్ బ్యాక్‌గ్రౌండ్ స్కోర్‌ ఇచ్చాడు. అన్నిటికీ మించి ప్రశాంత్ వర్మ షాట్స్ మేకింగ్ అండ్ కంటెంట్ ఎలివేట్ చేసిన విధానం ఇంట్రెస్ట్ గా అనిపించాయి. పైగా తెలుగుతో పాటు తమిళ్, కన్నడ, మలయాళం, హిందీ భాషలోనూ ఒకేసారి రిలీజ్ కాబోతుంది. మరి ఈ “హను మాన్” పరిస్థితి ఏమిటో చూడాలి. ఈ సినిమాలో అమృతా అయ్యర్ హీరోయిన్‌గా సందడి చేయబోతుంది.
ఇవి కూడా చదవండి…
