య‌శ్వంత్ సిన్హాకు ఘ‌న స్వాగతం ప‌లకాలి- కేటీఆర్

విప‌క్షాల రాష్ట్ర‌ప‌తి అభ్య‌ర్థి య‌శ్వంత్ సిన్హా జులై 2వ తేదీన హైద‌రాబాద్‌కు రానున్నారు. ఈ నేప‌థ్యంలో య‌శ్వంత్ సిన్హాకు స్వాగ‌త ఏర్పాట్లు, ఆయ‌నకు మ‌ద్ధ‌తుగా నిర్వ‌హించే స‌భ‌పై టీఆర్ఎస్ పార్టీ వ‌ర్కింగ్ ప్రెసిడెంట్ కేటీఆర్ మంత్రులు, ఎంపీలు, ఎమ్మెల్యేలు, ఎమ్మెల్సీలు, ప్రజా ప్రతినిధులతో స‌మావేశం నిర్వహించారు.

య‌శ్వంత్ సిన్హాకు ఘ‌నంగా స్వాగతం ప‌లకాల‌ని టీఆర్ఎస్ పార్టీ నిర్ణయించింది. ఈ మేర‌కు ఏర్పాట్లు చేయాల‌ని ప్రజా ప్రతినిధులకు కేటీఆర్ ఆదేశించారు. జులై 2వ తేదీన ఉద‌యం 10 గంట‌ల‌కు య‌శ్వంత్ సిన్హా బేగంపేట్ ఎయిర్‌పోర్టుకు చేరుకోనున్నారు. బేగంపేట్ ఎయిర్‌పోర్టు నుంచి జలవిహార్ వరకు 10 వేల బైకులతో ర్యాలీ నిర్వహించాలి.. ఉద‌యం 11 గంట‌ల‌కు జలవిహార్‌లో య‌శ్వంత్ సిన్హాకు మ‌ద్ద‌తుగా టీఆర్ఎస్ పార్టీ స‌భ నిర్వ‌హించ‌నుంది.