ప్రార్థించే పెదాలకన్నా.. సాయం చేసే చేతులు మిన్న అన్నారు పెద్దలు. అవును.. మానవ సేవే మాధవ సేవ అని నమ్మే నాకు అమెరికా మిత్ర బృందం ఓ గురుతర బాధ్యతను అప్పగించింది. న్యూజెర్సీలోని టీవీ ఆసియా ఆడిటోరియంలో జరిగిన కార్యక్రమంలో శ్రీదర్ గుడాలకు బెస్ట్ కమ్యూనిటీ లీడర్ అవార్డును అందించారు. ఎందరో అతిరథ మహారదుల కరతాళ ధ్వనుల మధ్య ఈ అవార్డును అందుకోవడం నా జీవితంలో మరపురాని ఓ అద్భుతమైన సన్నివేశం. సామాజిక సేవా కార్యక్రమాలను ప్రోత్సహించేందుకు వాస్తవం సంస్థ గత రెండేళ్లుగా ఈ అవార్డులను అందజేస్తోంది. 1. ఉత్తమ నాయకత్వం, 2. ఉత్తమ వైద్యుడు, 3. ఉత్తమ ఔత్సాహికులు, 4. ప్రతిభా వంతులైన యువత… ఈ నాలుగు విభాగాల్లో ఉత్సాహ వంతులైన వారిని అవార్డుకు ఎంపిక చేస్తుండటం అభినందనీయమన్నారు.
వాస్తవ దృక్పథంతో అవార్డును అందించిన “వాస్తవం” సంస్థకు నా హృదయపూర్వక కృతజ్ఞతాభివందనాలు. నన్ను ఈ స్థాయికి రావడానికి కారకులైన నా తల్లిదండ్రులకు పాదాభివందనాలు. నా కుటుంబ సభ్యులు, శ్రేయోభిలాషులు,మిత్రులకు కృతజ్ఞతలు తెలియజేస్తున్నాను.
నేను నిర్వహించిన సామాజిక సేవా కార్యక్రమాల ద్వారా గతంలో ఎన్నో అవార్డులు, ప్రశంసలు అందుకున్నాను. కానీ… అప్పటి కన్నా ఇప్పుడు పొందిన అనుభూతి గొప్పగా ఉందని చెప్పక తప్పదు. స్వామి వివేకానంద బాటలో అందరూ పయనించాలన్నదే నా ప్రార్థన. ఆయన అందించిన స్ఫూర్తిని ప్రతి ఒక్కరూ స్వీకరించాలి. ముఖ్యంగా విద్యార్థులు, యువత సామాజానికి చేయూతనందించే కార్యక్రమాల్లో ముందుండాలని కోరుకుంటున్నా… పెద్దలందరికీ మరోసారి వినమ్రపూర్వక వందనాలు తెలియజేస్తున్నానని తెలిపారు.
