1770 మరో భారీ బడ్జెట్‌ మూవీ!

బాహుబలి తర్వాత భారతీయ సినిమా మేకింగ్‌ విషయంలో అనేక మార్పులు వచ్చాయి. తాజాగా బాహుబలి కథా రచయిత విజయేంద్రప్రసాద్‌ నుంచి మరో అధ్బుత దృశ్య కావ్యం పట్టా లెక్కనుంది. బ్రిటిష్‌ వారికి వ్యతిరేకంగా పోరాడిన ఆశ్రమ వాసుల కథతో రూపొందనున్న ఈ చిత్రం 1770. అగ్ర దర్శకుడు రాజమౌళ వద్ద ఈగ, బాహుబలి చిత్రాలకు పనిచేసిన అశ్విన్‌ గంగరాజు ఈ సినిమాకు దర్శకత్వం వహిస్తున్నారు. బంకించంద్ర ఛటర్జీ రాసిన బెంగాలీ నవల ఆనందమఠ్‌ ఆధారంగా ఈ కథను తీర్చిదిద్దారు. వందేమాతరం అనే పదంలో అద్భుతమైన మేజిక్‌ ఉందని ఈ సందర్భంగా విజయేంద్ర ప్రసాద్‌ అన్నారు. తెలుగు, తమిళ, కన్నడ, మలయాళ, హిందీ, బెంగాలీ భాషల్లో 1770 విడుదల కానుందని తెలిపారు. నటీనటులు, ఇతర సాంకేతిక నిపుణులను త్వరలోనే ప్రకటిస్తామన్నారు.