మాజీ ఎంపీ విజయసాయి రెడ్డి .. డిజిటల్ మీడియా రంగంలోకి అడుగుపెట్టనున్నట్లు ప్రకటించారు. ఈ మేరకు ఎక్స్ వేదికగా ప్రకటించిన విజయసాయి.. త్వరలోనే ఒక డిజిటల్ మీడియా ప్లాట్ఫామ్ను ప్రారంభించబోతున్నట్లు తెలిపారు. ప్రస్తుత పరిస్థితుల్లో డిజిటల్ మీడియా ప్రాముఖ్యత పెరుగుతున్న నేపథ్యంలో, సమకాలీన విషయాలను ప్రజలకు చేరవేయడమే లక్ష్యంగా ఈ ప్రయత్నం చేస్తున్నట్లు తెలుస్తోంది.
ఇక డిజిటల్ ప్లాట్ఫామ్ ప్రారంభించిన అనంతరం, ఒక తెలుగు శాటిలైట్ న్యూస్ ఛానల్ను కూడా ప్రారంభించే యోచనలో ఉన్నట్లు ఆయన స్పష్టం చేశారు. ఇది భవిష్యత్తులో మీడియా రంగంలో కొత్త పోటీకి దారితీసే అవకాశం ఉందని విశ్లేషకులు భావిస్తున్నారు.
అయితే, ఈ కొత్త మీడియా ప్లాట్ఫామ్కు సంబంధించిన పేరు ఇంకా ప్రకటించలేదు. త్వరలోనే ప్లాట్ఫామ్ పేరు, పూర్తి వివరాలను వెల్లడిస్తామని విజయసాయిరెడ్డి పేర్కొన్నారు.
రాజకీయ నాయకులు మీడియా రంగంలోకి రావడం కొత్త విషయం కాకపోయినా, డిజిటల్ మీడియా ద్వారా ప్రజలతో నేరుగా కమ్యూనికేట్ అవ్వాలనే ప్రయత్నంగా దీనిని చూస్తున్నారు. ఈ కొత్త మీడియా వేదిక ఎలా ఉండబోతోంది, దాని కంటెంట్ విధానం ఏమిటి అన్న అంశాలపై ఆసక్తి నెలకొంది.
Also Read:బాధితుల ఫోటోలతో పాక్కు ఇరాన్ ప్రతినిధులు
