ఇరాన్‌తో ఉద్రిక్తతలు కొనసాగుతున్న నేపథ్యంలో అమెరికా అధ్యక్షుడు డొనాల్డ్ ట్రంప్ కీలక వ్యాఖ్యలు చేశారు. ఇరాన్‌తో చర్చలు జరపడం లేదని పేర్కొంటూ..త్వరలోనే ఏదో ఒక పరిణామం చోటుచేసుకుంటుందని అన్నారు. మరోవైపు, ఇరాన్‌పై తాజాగా సైనిక దాడులు చేపట్టే అవకాశాలను అమెరికా పరిశీలిస్తున్నట్లు సమాచారం.
ఇరాన్‌తో కొనసాగుతున్న ఘర్షణల నేపథ్యంలో అమెరికా తదుపరి చర్యలపై ఉత్కంఠ నెలకొంది. దౌత్యపరమైన ప్రయత్నాలు కొనసాగుతున్నప్పటికీ, పరిస్థితులు ఎటువైపు దారితీస్తాయన్నది స్పష్టంగా తెలియడం లేదు. ఈ నేపథ్యంలో ట్రంప్ చేసిన వ్యాఖ్యలు అంతర్జాతీయంగా ప్రాధాన్యం సంతరించుకున్నాయి.
ఇరాన్‌పై కొత్తగా దాడులు చేసే అంశాన్ని అమెరికా పరిశీలిస్తున్నట్లు వార్తలు వెలువడుతున్నాయి. అయితే, తాజా సైనిక చర్యలపై తుది నిర్ణయం తీసుకున్నారా లేదా అన్నది స్పష్టత రావాల్సి ఉంది. అమెరికా, ఇరాన్ మధ్య ఉద్రిక్తతలు మరింత పెరిగితే పశ్చిమాసియాలో పరిస్థితులు తీవ్రరూపం దాల్చే అవకాశం ఉందని విశ్లేషకులు భావిస్తున్నారు.
Also Read:లిక్కర్ ఎంత తాగితే మంచిది?
ఇరాన్‌తో వివాదం నేపథ్యంలో చమురు సరఫరా, అంతర్జాతీయ వాణిజ్యం, ప్రాంతీయ భద్రతపై కూడా ఆందోళనలు వ్యక్తమవుతున్నాయి. ముఖ్యంగా హోర్ముజ్ జలసంధి పరిణామాలు ప్రపంచ ఇంధన మార్కెట్లపై ప్రభావం చూపే అవకాశముంది.