ఇవాళ హైదరాబాద్ లో తిరంగా ర్యాలీ జరగనుంది. తిరంగా ర్యాలీ సందర్భంగా హైదరాబాద్ లో ట్రాఫిక్ ఆంక్షలు విధించారు. ఇవాళ సాయంత్రం 5:30 గంటల నుంచి రాత్రి 7:30 గంటల వరకు ఆంక్షలు అమల్లో ఉండనున్నాయి.
అంబేద్కర్ విగ్రహం, సచివాలయం జంక్షన్, ట్యాంక్ బండ్ పరిసర ప్రాంతాల్లో ట్రాఫిక్ ఆంక్షలు అమల్లో ఉండనుండగా వాహనదారులు ప్రత్యామ్నాయ మార్గాల్లో వెళ్లాలని సూచించారు ట్రాఫిక్ పోలీసులు.
ట్రాఫిక్ డైవర్షన్లు ఈ విధంగా ఉన్నాయి..
అంబేడ్కర్ విగ్రహం:
సెక్రటేరియట్ జంక్షన్ నుంచి అప్పర్ ట్యాంక్ బండ్ వైపు వెళ్లే వాహనాలు లిబర్టీ వైపు మళ్లించబడతాయి.అలాగే, లిబర్టీ నుంచి అప్పర్ ట్యాంక్ బండ్ వైపు వెళ్తున్న వాహనాలు తెలుగు తల్లి విగ్రహం వైపు మళ్లించబడతాయి.
Also Read:నీరజ్ చోప్రా…సరికొత్త రికార్డు
సైలింగ్ క్లబ్:
కర్బల మైదాన్ నుంచి అప్పర్ ట్యాంక్ బండ్కు వస్తున్న వాహనాలు కవాడిగూడ వైపు మళ్లించబడతాయి (సైలింగ్ క్లబ్ జంక్షన్ వద్ద).
డీబీఆర్ మిల్స్:
డీబీఆర్ మిల్స్ నుంచి అప్పర్ ట్యాంక్ బండ్ వైపు వెళ్లే వాహనాలు హైదరాబాద్ గోశాల–కవాడిగూడ వైపు మళ్లించబడతాయి. ప్రముఖ కూడళ్ల వద్ద భారీ ట్రాఫిక్ అడ్డంకులు ఏర్పడే అవకాశం ఉంది, ముఖ్యంగా అంబేడ్కర్ విగ్రహం, సైలింగ్ క్లబ్, డీబీఆర్ మిల్స్, సెక్రటేరియట్ జంక్షన్, ఇక్బాల్ మినార్, వీ వీ విగ్రహం, లిబర్టీ.వాహనదారులు ప్రత్యామ్నాయ మార్గాలు ఎంచుకోవాలని హైదరాబాద్ పోలీసులు సూచించారు.
Also Read:TG:రాష్ట్రంలో మూడు రోజులు వర్షాలు