ది వారియర్..ఓటీటీ డేట్ ఫిక్స్!

లింగుస్వామి దర్శకత్వంలో యంగ్ అండ్ ఎనర్జిటిక్ హీరో రామ్ పోతినేని నటించిన చిత్రం ‘ది వారియర్’. రామ్ తన కెరీర్‌లో తొలిసారి పోలీస్ ఆఫీసర్ పాత్రలో నటించగా ప్రపంచవ్యాప్తంగా జూలై 14న సినిమా రిలీజ్ కాగా బాక్సాఫీస్ వద్ద మిక్స్‌డ్ టాక్‌ను సొంతం చేసుకుంది.

అయితే తాజాగా ఈ సినిమాను ఓటీటీలో రిలీజ్ చేసేందుకు నిర్వాహకులు రెడీ అవుతున్నారు. ప్రముఖ ఓటీటీ ప్లాట్‌ఫాం డిస్నీప్లస్ హాట్ స్టార్ ‘ది వారియర్’ చిత్రానికి సంబంధించిన డిజిటల్ రైట్స్‌ను సొంతం చేసుకుంది. దీంతో ఈ సినిమాను థియేట్రికల్ రిలీజ్ అయిన 28 రోజుల్లోనే ఆగస్టు 11న డిస్నీప్లస్ హాట్ స్టార్‌లో స్ట్రీమింగ్ కానుంది.

ఈ సినిమాలో రామ్ రెండు విభిన్న లుక్స్‌లో కనిపించగా, అందాల భామ కృతి శెట్టి హీరోయిన్‌గా నటించింది. ఈ సినిమాకు రాక్ స్టార్ దేవిశ్రీ ప్రసాద్ సంగీతం అందించారు.