హైదర్ గూడలో నూతనంగా నిర్మించిన ఎమ్మెల్యే, ఎమ్మెల్సీల నివాస గృహాలను సోమవారం సీఎం కేసీఆర్ ప్రారంభించనున్న సంగతి తెలిసిందే. ఈసందర్భంగా అక్కడ ఏర్పాట్లను పరిశీలించారు R&B, గృహ మరియు శాసనసభ వ్యవహారాల శాఖ మంత్రి శ్రీ వేముల ప్రశాంత్ రెడ్డి, శాసనసభ సభాపతి పోచారం శ్రీనివాస్ రెడ్డి. అనంతరం సీఎం కేసీఆర్ రాక సందర్భంగా అక్కడి అధికారులతో సమావేశం నిర్వహించారు మంత్రి వేముల ప్రశాంత్ రెడ్డి.
ఈ నివాస గృహాలను స్పీకర్ పోచారం శ్రీనివాస్‌రెడ్డితో కలిసి సీఎం కేసీఆర్ ప్రారంభించనున్నారు. 17న ఉదయం 6 గంటలకు కొత్త నివాసాలకు కేసీఆర్ గృహవాస్తు పూజలు చేయనున్నారు.మొత్తం 4.5 ఎకరాల్లో రూ. 166 కోట్లతో 12 అంతస్తులతో 120 క్వార్టర్లను నిర్మించారు.
2100 చదరపు అడుగుల ప్రతి క్వార్టర్‌లో 3 బెడ్‌రూమ్‌లను ఏర్పాటు చేశారు. దీంతో పాటు ఎమ్మెల్యేల వ్యక్తిగత సిబ్బంది, 36 మంది సిబ్బందికి కూడా గదులను కేటాయించనున్నారు. ఈ ప్రాంగణంలోనే బ్యాంకు, క్లబ్‌ హౌజ్‌, సూపర్‌ మార్కెట్‌ నిర్మించారు. 240 వాహనాల పార్కింగ్‌కు సదుపాయం కల్పించారు.
