రేపు తెలంగాణ ఒలంపిక్ అసోసియేషన్ ఎన్నికలు

తెలంగాణ ఒలంపిక్ అసోసియేషన్ ఎన్నికలు రేపు జరుగనున్నాయి. ఎల్బీ స్టేడియం లో రేపు మద్యాహ్నం 1 గంటల నుండి 3 గంటల వరకు పోలింగ్ జరుగనుంది. బ్యాలెట్ పద్దతితో ఎన్నికలు నిర్వహించనున్నారు. 32 వివిధ క్రీడా సంఘాలు, 10 ఉమ్మడి జిల్లాల ఒలంపిక్ బాడీలు కలిపి మొత్తం 84 మంది ఓటు హక్కును వినియోగించుకొనున్నారు. మధ్యాహ్నం 3గంటల అనంతరం విజేతలను ప్రకటించనున్నారు.

జయేష్ రంజన్, జగన్మోహన్ రావ్ ప్యానల్ వైపే క్రీడా సంఘాలు మొగ్గుచూపుతున్నారు. అధ్యక్ష పదవికి జయేష్ రంజన్, రంగారావ్ లు పోటీ చేస్తుండగా, ప్రధాన కార్యదర్శి పదవికి అరిసెనపల్లి జగన్మోహన్ రావు, జగధీష్ యాదవ్ లు పోటీ పడుతున్నారు. త్వరలోనే తెలంగాణ లో అంతర్జాతీయ స్థాయి క్రీడలు జరుగనున్నాయి. తెలంగాణ క్రీడాభివృద్ధి జయేష్ రంజన్ ప్యానెల్ తోనే సాధ్యం అంటున్నారు క్రీడా సంఘాల నాయకులు.