తమిళ్ లో హీరోగా చేస్తూ..ఇతర భాషల్లో పలు ప్రత్యేక పాత్రల్లో నటిస్తున్నాడు విజయ్ సేతుపతి. ఇటివలే మెగాస్టార్ చిరంజీవి ప్రధాన పాత్రలో తెరకెక్కిన సైరా మూవీలో ప్రత్యేకమైన పాత్రలో నటించాడు. తాజాగా ఆయన మరో మెగా హీరో పంజా వైష్ణవ్ తేజ్ హీరోగా తెరకెక్కుతున్న ఉప్పెన సినిమాలో విలన్ గా నటించారు. ఈమూవీ షూటింగ్ చివరి దశకు చేరుకుంది. త్వరలోనే ఈమూవీ ప్రేక్షకుల ముందుకు రానుంది.
తాజాగా ఉన్న సమాచారం మేరకు విజయ్ సేతుపతి మరో తెలుగు సినిమా కూడా అంగీకరించాడని విశ్వసనీయ వర్గాల సమాచారం. అల్లు అర్జున్ సుకుమార్ కాంబినేషన్ లో సినిమా తెరకెక్కనున్న విషయం తెలిసిందే. ఇప్పటికే ఈమూవీ షూటింగ్ ప్రారంభమైంది. ఈ సినిమాలో అల్లు అర్జున్ స్మగ్లర్లకి సహకరించే లారీ డ్రైవర్ గా కనిపించనున్నాడనే టాక్ వినిపిస్తోంది.
ఈ సినిమాలో ఫారెస్ట్ ఆఫీసర్ పాత్రకి గాను విజయ్ సేతుపతిని ఎంపిక చేసినట్టుగా తెలుస్తోంది. త్వరలోనే ఈమూవీకి సంబంధించి అధికారిక ప్రకటన వెలువడనుంది. అల్లు అర్జున్ సరసన రష్మీక మందన హీరోయిన్ గా నటిస్తుండగా..మైత్రి మూవీ మేకర్స్ బ్యానర్ పై నిర్మిస్తున్నారు.
