- Advertisement -
ఇంగ్లాండ్‌తో జరగనున్న వన్డేలో తుదిజట్టులోకి రానున్నాడు బ్యాట్స్‌మెన్ సూర్యకుమార్ యాదవ్. తొలి వన్డే గెలుపుతో మంచి జోష్‌ మీదున్న కోహ్లీ సేన ఈ మ్యాచ్‌లో గెలిచి వన్డే సిరీస్‌ను తన ఖాతాలో వేసుకోవాలని ఉవ్విళ్లూరుతోంది. మరోవైపు టీ-20, టెస్ట్ సిరీస్‌లో కంగుతిన్న ఇంగ్లాండ్‌.. ఎలాగైనా వన్డే సిరీస్‌ గెలవాలని పట్టుదలగా ఉంది.
ఇక గాయం కారణంగా వన్డే సిరీస్‌కు దూరమైన శ్రేయస్‌ స్థానంలో సూర్యకుమార్ అరంగేట్రం చేయనున్నాడు. అలాగే శార్దూల్‌కు ఈ మ్యాచ్‌లో విశ్రాంతినిచ్చి సిరాజ్‌ను ఆడించే అవకాశాలు కనిపిస్తున్నాయి.
ఇక గాయం కారణంగా ఇవాళ వన్డేకు దూరమయ్యాడు కెప్టెన్ మోర్గాన్. తొలి వన్డేలో చేతికి తీవ్ర గాయం కావడంతో తదుపరి మ్యాచ్‌లకు అతడిని జట్టు నుంచి ఇంగ్లాండ్‌ బోర్డు తప్పించింది. అతడి స్థానంలో వికెట్ కీపర్ బ్యాట్స్‌మన్ జోస్ బట్లర్ కెప్టెన్ బాధ్యతగా వహించనున్నాడు.
- Advertisement -
