తమిళనాడులో కావేరి మేనేజ్ మెంట్ బోర్డు ఏర్పాటు చేయాలని డిమాండ్ చేస్తూ ఆందోళన చేస్తున్న సంగతి తెలిసిందే. ఐపీఎల్ నిర్వహించవద్దని సినీ ప్రముఖులు, రాజకీయనాయకులు, తమిళ సంఘాలు నిరసన వ్యక్తం చేశాయి. మంగళవారం చెన్నై, కోల్కత్తా మధ్య జరిగిన మ్యాచ్లో అపశృతి చోటుచేసుకుంది. బౌండరీ దగ్గర ఫీల్డింగ్ చేస్తున్న జడేజాపై గుర్తు తెలియని వ్యక్తులు షూ విసిరారు. కోల్కత్తా ఇన్నింగ్స్ 8వ ఓవర్లో ఈ ఘటన జరిగింది. ఎవరు విసిరారన్నది ఇంకా తెలియలేదు. అదే సమయంలో బౌండరీ బయట సౌతాఫ్రికా ప్లేయర్స్ డుప్లెసిస్, ఎంగిడి అక్కడే ఉన్నారు. ఆ షూను డుప్లెసిస్యే బయటకు తీసుకెళ్లాడు.
మరోవైపు మ్యాచ్ ప్రారంభానికి ముందే స్టేడియం వద్ద ఆందోళన కారులు నిరసనలు తెలిపారు. దీంతో కనీవినీ ఎరగని రీతిలో 4 వేల మంది పోలీసులతో భారీ బందో బస్తు ఏర్పాటు చేశారు. పోలీసులు అందరిని క్షుణ్ణంగా పరిశీలించిన తర్వాతే స్టేడియం లోపలికి పంపించారు పోలీసులు. స్టేడియంలోకి వచ్చిన తర్వాత కూడా కొందరు ఆందోళన కారులు నినాదాలు చేయగా పోలీసులు వారిని బయటకు తీసుకెళ్లారు.
