అర్జున్ రెడ్డి సినిమాతో దేశ వ్యాప్తంగా ఫుల్ క్రేజ్ సంపాదించుకున్న హీరో విజయ్ దేవరకొండ. ప్ర‌స్తుతం ఈ యువ హీరో ప‌లు ప్రాజెక్ట్స్‌తో బిజీగా ఉన్నాడు. విజయ్ న‌టించిన అర్జున్ రెడ్డి చిత్రం ప్ర‌స్తుతం బాలీవుడ్‌లో రీమేక్ అవుతుంది. హిందీలోను సందీప్ రెడ్డి వంగానే ద‌ర్శ‌క‌త్వం వ‌హిస్తున్నాడు. ఇటీవ‌ల చిత్ర టైటిల్ ఫిక్స్ చేసి పోస్ట‌ర్ రిలీజ్ చేశారు మేక‌ర్స్.
షాహిద్ కపూర్, కైరా అద్వాణీ ప్ర‌ధాన పాత్ర‌లలో రూపొందుతున్న హిందీ వ‌ర్షెన్ కి కబీర్ సింగ్‌ అనే టైటిల్ పెట్టారు. ఈ పోస్టర్‌పై విజయ్ స్పందిస్తూ.. ‘కబీర్ సింగ్‌..అర్జున్‌రెడ్డి నుంచి మీకు బెస్ట్‌ విషెస్‌’ అని ట్వీట్‌ చేస్తూ పోస్టర్‌ను, దర్శకుడు సందీప్‌తో కలిసి దిగిన ఫొటోను పంచుకున్నారు.
అయితే ఈ ట్వీట్‌పై తాజాగా షాహిద్ రిప్లై ఇచ్చారు. ‘సినిమాలో మీ పాత్ర ఎంతో స్ఫూర్తిదాయకంగా ఉంది బ్రదర్‌. ఎన్ని రీమేక్‌లు వచ్చినా నీదే ఒరిజినల్‌’ అని పేర్కొన్నారు. ఈ ట్వీట్‌కు విజయ్ ప్రతిస్పందిస్తూ..‘బిగ్‌ బ్రదర్‌.. మీపట్ల నాకూ ఎంతో గౌరవం, ప్రేమ ఉన్నాయి. మీరు, సందీప్ కలిసి మ్యాజిక్‌ చేస్తారు. మిమ్మల్ని కబీర్‌గా చూడాలని నాకూ ఎంతో ఆతృతగా ఉంది’ అని వెల్లడించారు విజయ్. వచ్చే ఏడాది జూన్‌లో ఈ చిత్రం ప్రేక్షకుల ముందుకు రాబోతోంది.
