బాబాయ్‌ చలపతిరావు ఇకలేరు..

టాలీవుడ్‌ని వరుస విషాదాలు వెంటాడుతున్నాయి. నటుడు కృష్ణ, కైకాల సత్యనారాయణ మృతి నుండి ఇంకా ఇండస్ట్రీ కోలుకోకముందే మరో నటుడిని కొల్పోయింది.

సీనియర్‌ యాక్టర్‌ చలపతిరావు (78) కన్నుమూశారు. కొంత కాలంగా అనారోగ్యంతో బాధపడుతున్న ఆయన ఇవాళ తెల్లవారుజామున గుండెపోటుతో తుదిశ్వాస విడిచారు. చలపతిరావుకు ఒక కుమారుడు రవిబాబు, కుమార్తెలు మాలినిదేవి, శ్రీదేవి ఉన్నారు.

1944, మే 8న కృష్ణా జిల్లా బల్లిపర్రులో జన్మించారు. 1966లో సూపర్‌స్టార్ కృష్ణ నటించిన గూఢచారి 116 సినిమాతో సినీరంగ ప్రవేశం చేశారు. తన కెరీర్‌లో 12 వందలకు పైగా సినిమాల్లో నటించారు.

సినీ పరిశ్రమలో ఆయనను అంతా బాబాయ్ అని ఆప్యాయంగా పిలుచుకుంటారు. నిర్మాతగాను రాణించారు. కలియుగ కృష్ణుడు, కడప రెడ్డమ్మ, జగన్నాటకం, పెళ్లంటే నూరేళ్ల పంట, రాష్ట్రపతిగారి అల్లుడు వంటి సినిమాలను తెరకెక్కించారు.

ఇవి కూడా చదవండి..