సమంత – నాగచైతన్యల కాంబినేషన్‌లో తెరకెక్కిన ‘ఏమాయ చేశావే’ – ‘మనం’ చిత్రాలు మంచి విజయాన్ని సొంతం చేసుకున్నాయి. మరో సినిమా ‘ఆటో నగర్ సూర్య’ మాత్రం అంతంత మాత్రంగానే నిలిచింది. ప్రస్తుతం వీరిద్దరి కాంబోలో ‘మజిలీ’ అనే సినిమా చేస్తున్నారు. శివ నిర్వాన దర్శకత్వంగా వ్యవహరిస్తున్నారు.
పెళ్లి తర్వాత నటిస్తున్న మొదటి సినిమాలో భార్య భర్తలుగా నటిస్తుండడంతో సినిమాపై అంచనాలు పెరుగుతున్నాయి. త్వరలోనే ఈ చిత్రం ఫస్ట్ లుక్ ను విడుదల చేసేందుకు ఏర్పాట్లు చేస్తున్నారు. అయితే ఈ మూవీ రీసెంట్‌గా ఈ సినిమా షూటింగ్ సింహాచలం రైల్వే స్టేషన్‌లో జరిగింది.
సమంతను బైక్ పై ఎక్కించుకుని రైల్వే స్టేషన్‌లోకి వేగంగా తీసుకువస్తాడు చైతూ. బైక్ దిగగానే టికెట్ కౌంటర్ వైపు సమంత హడావిడిగా పరిగెడుతుంది. రైల్వే స్టేషన్‌లో ప్రయాణీకులు అంతా ఉండగానే ఈ సన్నివేశాన్ని చిత్రీకరించడం విశేషం. సమంత – చైతూలను చూడటానికి భారీ సంఖ్యలో అభిమానులు అక్కడికి తరలి వచ్చారు. సినిమాలో కీలకమైన ఒక సందర్భంలో ఈ సీన్ రానుంది. ఇక వచ్చే ఏడాది ప్రథమార్థంలో ఈ సినిమాను ప్రేక్షకుల ముందుకు రానుంది.
