అక్కినేని నాగార్జున హీరోగా ఓంకార్ దర్శకత్వంలో రూపొందుతున్న హ‌ర్ర‌ర్ థ్రిల్ల‌ర్ రాజు గారి గది 2. పి.వి.పి సినిమా, ఓక్ ఎంట‌ర్‌టైన్మెంట్స్ ప్రై.లి, మ్యాట్నీ ఎంట‌ర్ టైన్మెంట్స్ బ్యాన‌ర్స్ సంయుక్తంగా ఈ చిత్రాన్నినిర్మిస్తున్నాయి. ఆగస్టు 29 నాగార్జున పుట్టినరోజు సందర్భంగా ‘రాజుగారి గది 2’ మోషన్ పోస్టర్ రిలీజ్ చేశారు. ఫస్ట్ లుక్ పోస్టర్ ఆకట్టుకునే విధంగా ఉంది. సెప్టెంబర్ 20వ తేదీన ఈ చిత్రానికి సంబంధించిన ట్రైలర్ రిలీజ్ చేయబోతున్నారు.
ఇక ఈ సినిమాలో సమంత లుక్ పోస్ట‌ర్‌ను ట్వీట్ చేసింది. త‌న షూటింగ్‌ పార్ట్ కంప్లీట్ అయింద‌ని తెలియ‌జేస్తూ, సినిమా చిత్రీక‌ర‌ణ అంతా చాలా స‌ర‌దాగా న‌డిచింద‌ని చెప్పింది. అంద‌రు మూవీని ఫుల్‌గా ఎంజాయ్ చేస్తార‌ని త‌న ట్వీట్‌లో తెలిపింది సామ్‌.
రాజుగారిగ‌ది 2లో నాగార్జున మెంటలిస్ట్ పాత్ర‌లో కనిపించ‌నున్నాడు. సమంత దెయ్యంగా కనిపించనుందా లేక భయపడే ఓ అమ్మాయిగా కనిపించనుందా తెలియాల్సి ఉంది. ఓంకార్ దర్శకత్వంలో ఈ మూవీ రూపొందుతుండ‌గా, సీరత్ కపూర్, సమంతలు ఇందులో కీలక పాత్రలు పోషిస్తుంది. థ‌మన్ ఈ చిత్రానికి సంగీతం అందిస్తున్నాడు. అక్టోబ‌ర్ 13న ఈ మూవీని విడుద‌ల చేయ‌నున్న‌ట్టు స‌మాచారం.
