తెలుగు .. తమిళ భాషల్లో సమంతా అగ్రకథానాయికగా వెలుగొందుతోంది. గ్లామర్ కు .. నటనకు సమ ప్రాధాన్యతను ఇవ్వడం వల్లనే ఆమె ఈ స్థానానికి చేరుకుంది. ఇకపై నటనకి ఎక్కువ ప్రాధాన్యత వుండే పాత్రలను మాత్రమే చేస్తానని ఆమె ఇటీవల చెప్పింది. అంతేకాదు విభిన్నమైన పాత్రలను ఎంచుకుంటూ, తనని తాను కొత్తగా ఆవిష్కరించే ప్రయత్నం చేస్తానని అంది.వెండితెరపైనే కాదు .. సోషల్ మీడియాలోను సమంతా చాలా యాక్టివ్ గా ఉంటుంది. తనకి సంబంధించిన విషయాలను ఎప్పటికప్పుడు అభిమానులతో షేర్ చేసుకుంటూ ఉంటుంది. అందువల్ల ఆమె ఫాలోవర్స్ సంఖ్య ఎక్కువగానే వుంటుంది.
తాజాగా ఇన్‌స్టాగ్రాములో సమంతను ఫాలో అయ్యేవారి సంఖ్య 16 మిలియ‌న్స్‌కు చేరింది. హీరోలతో స‌మానంగా ఫ్యాన్ ఫాలోయింగ్ పెంచుకుంటూ వెళుతున్న సమంత త‌క్కువ టైంలోనే ఇంత మంది ఫాలోవ‌ర్స్‌ని సొంతం చేసుకుని సోషల్ మీడియా క్వీన్‌గా నిలిచింది.
ఈ విషయాన్ని అభిమానులతో పంచుకున్న సమంత.. ఆనందం వ్యక్తం చేస్తూ అభిమానుల ప్రేమకు తన కృతజ్ఞతలు చెప్పింది. మీరు చూపించే ప్రేమ తనను మరింత శ్రమించేలా చేస్తోందని పేర్కొంది.ప్రస్తుతం సమంత గుణశేఖర్ దర్శకత్వంలో ‘శాకుంతలం’ సినిమాలో నటిస్తోంది. దీంతో పాటు ‘ఫ్యామిలీ మ్యాన్ 2’ వెబ్ సీరీస్‌లోనూ నటించింది సమంత. ఈ వెబ్ సిరీస్‌ను తెలుగు దర్శక ద్వయం రాజ్-డీకే డైరెక్ట్ చేస్తున్నారు. సామ్ నటిస్తున్న తొలి వెబ్ సిరీస్ ఇదే.
