కథలో కొత్తదనం ఉంటే.. చిన్న సినిమా అయినా భారీ కలెక్షన్స్ రాబడతాయని ఆర్ఎక్స్ 100 మూవీ నిరూపించింది. రియల్ లైఫ్ కథకి.. కొద్దిగా సినిమా హంగులు జోడించి దర్శకుడు అజయ్ భూపతి రూపొందించిన విధానానికి యువత అట్రాక్ట్ అవుతోంది. తొలి రోజు వసూళ్లే అందరిని ఆశ్చర్యపరిచాయి. 4 నాలుగు రోజులలోనే రూ. 10 కోట్లు వసూళ్లు రాబట్టింది. ఆరో రోజులలో రూ.15 కోట్లకు చేరుకున్నాయి.
ఇప్పటికే థియేటర్లలో అదే జోరు కొనసాగిస్తోంది. విడుదలైన ప్రతి థియేటర్లలో సందడి చేస్తోంది. దగ్గరలో పెద్ద సినిమాలు ఏవీ లేకపోవడంతో సినిమా వసూళ్లు రూ. 20 కోట్లకు కూడా చేరుకునే అవకాశం ఉందని సినీ విశ్లేషకులు చెబుతున్నారు. ఆర్ఎక్స్ 100 విడుదలైన సినిమా రోజునే.. చిరంజీవి చిన్నల్లుడి విజేత, కార్తీ చిన్నబాబు విడులయ్యాయి. కానీ ఆ సినిమాలు ప్రేక్షకులను పెద్దగా ఆకట్టుకోలేక పోయాయి.
మొదటి సినిమాతోనే మంచి విజయం అందుకున్న దర్శకుడు అజయ్ భూపతికి వరుస అవకాశాలు వస్తున్నాయి. పెద్ద బ్యానర్ల నిర్మాతలు సైతం అజయ్ తో సినిమా చేయడానికి ఆసక్తి చూపిస్తున్నారు. ప్రస్తుతం అజయ్ ఆర్ఎక్స్ 100 సక్సెస్ ని ఎంజాయ్ చేస్తున్నాడు. తన రెండవ సినిమాను యంగ్ హీరో నితిన్ తో చేయనున్నాడని టాక్ వినిపిస్తోంది. నితిన్ తండ్రి సుధాకర్ రెడ్డి, అజయ్ భూపతికి చర్చించనట్లు ఫిలింనగర్ లో ఈ వార్తలు చక్కర్లు కొడుతున్నారు.
