బాహుబలి,ఘాజి,నేనే రాజు నేనే మంత్రి సక్సెస్‌ను తెగ ఎంజాయ్ చేస్తున్న హీరో రానా వరుస సినిమాలకు కమిట్‌ అవుతున్నాడు. ప్రస్తుతం నేతాజీ సుభాష్ చంద్రబోస్ జీవితచరిత్ర ఆధారంగా తెరకెక్కుతున్న 1945తో పాటు కేరళ ట్రావెన్కోర్ ప్రాంతానికి చెందిన మహారాజ తిరునాళ్ మార్తాండ్ వర్మ సినిమా చేయబోతున్న రానా మరో ప్రాజెక్టును పట్టాలెక్కించే పనిలో ఉన్నాడు. నాలుగున్నర దశాబ్దాల క్రితం హిందీలో వచ్చిన ‘హాథీ మేరా సాథీ’ చిత్రానికి ఇది రీమేక్ గా తెరకెక్కనున్న చిత్రంలో నటించనున్నట్లు వెల్లడించాడు.
రాజేశ్‌ ఖన్నా 1971లో చేసిన ఆ చిత్రాన్ని ఇప్పుడు నేను చేయడం ఆనందంగా ఉందని ఈ సందర్భంగా రానా తెలిపారు. ఈ మూవీని తెలుగు, తమిళం , హిందీ భాషలలో భారీ బడ్జెట్ తో ఏకకాలంలో రూపొందచబోతున్నాడు దర్శకుడు సోలొమాన్. ట్రినిటీ పిక్చర్స్ సంస్థ ఈ మూవీని నిర్మిస్తుంది. 2018 జనవరి నుండి భారత్, థాయ్ లాండ్ లలో మూవీ చిత్రీకరణ జరగనుందని తెలుస్తుంది. దీపావళికి ప్రేక్షకులకు ముందుకు తేవాలని టీం భావిస్తుంది.
ప్రస్తుతం ఈ హీరో నేతాజీ సుభాష్ చంద్రబోస్ సైన్యంలోని ఓ సైనికుడి ప్రేమ కథ నేపథ్యంలో సినిమా చేస్తున్నాడు. ఈ చిత్రంలో రానా నేతాజీ సైన్యంలోని సిపాయిగా కనిపించనున్నట్టు సమాచారం. ఇది 1945వ సంవత్సరానికి సంబంధించిన కథ కాగా, అప్పటి కాలంలో జరిగిన కొన్ని సంఘటనలని మన కళ్ళకు కట్టినట్టు చూపించేందుకు ఈ సినిమా చేస్తున్నట్టు సమాచారం. తిరునాళ్ మార్తాండ్ జీవిత చరిత్ర ఆధారంగా తెరకెక్కనున్న సినిమా తెలుగు,తమిళ్‌లో తెరకెక్కనుంది. ఈ చిత్రానికి కె మధు దర్శకత్వం వహిస్తుండగా సెవన్ ఆర్ట్స్ బ్యానర్‌పై మోహన్‌ నిర్మిస్తున్నారు.
