భారతీయులు ఆరోగ్యంగా ఉండాలనే ఉదేశ్యంలో క్రీడల మంత్రి రాజ్యవర్దన్ సింగ్ రాథోడ్ మొదలు పెట్టిన ‘హమ్ ఫిట్ హైతో ఇండియా ఫిట్ ‘ ఛాలెంజ్కి దేశ వ్యాప్తంగా మంచి స్పందన వస్తోంది. ఇప్పటికే ఈ ఛాలెంజ్లో సినీ తారలు, క్రికెటర్లు పాల్గొన్న సంగతి తెలిసిందే. తాజాగా టాలీవుడ్ మెగా హీరో రామ్ చరణ్ కూడా ఈ జాబితాలో చేరిపోయాడు. అయితే యంగ్ టైగర్ ఎన్టీఆర్ విసిరిన సవాల్ను చరణ్ స్వీకరించాడు.
ఇక రామ్ చరణ్ వ్యాయామం చేస్తున్న వీడియోని షేర్ చేస్తూ.. హేయ్ ఎన్టీఆర్ అన్న.. నీ సవాల్ను స్వీకరించా. ఇక కేటీఆర్, సందీప్ కోశ్లా, శోభనా కామినేని, సుకుమార్, వరుణ్తేజ్, మన మెగాస్టార్కు ఛాలెంజ్ విసురుతున్నా అంటూ తన ఫేస్బుక్లో పోస్ట్ చేశాడు. ఇక అక్కినేని ఫ్యామిలీలో నాగచైతన్య విసిరిన సవాల్ను అఖిల్ స్వీకరించిన సంగతి తెలిసిందే.
మరోవైపు విరాట్ కోహ్లీ తాను వ్యాయామం చేస్తున్న వీడియోని ప్రధాని మోడీకి ట్యాగ్ చేస్తూ… సవాల్ విసిరిన విషయం తెలిసిందే. ఈ పోస్టుకు ప్రధాని సైతం మిస్టర్ కోహ్లీ త్వరలోనే నేను యోగా చేస్తున్న వీడియోని చూస్తారు అంటూ రిప్లై కూడా ఇచ్చారు. మరీ ప్రధాని ఎప్పుడు ఆ వీడియో పోస్ట్ చేస్తాడో వేచి చూడాలి ఇక.
