దుమ్ములేపుతున్న ‘2.ఓ’ ట్రైలర్..

సూపర్ స్టార్ రజనీకాంత్ దర్శకుడు శంకర్ కలయికలో తెరకెక్కిన భారీ చిత్రం ‘2.ఓ’ ఈ మూవీ ట్రైలర్ అట్టహాసంగా చెన్నైలో టీమ్‌తో పాటు అభిమనుల సమక్షంలో పెద్ద ఎత్తున విడుదల చేశారు. రెండు నిముషాలు పాటు ఉన్న ట్రైలర్‌లో టీజర్ షాట్స్ కొన్ని రిపీట్ అయినప్పటికీ మొత్తంగా శంకర్ తన టెక్నీకల్ మాయాజాలంతో మరిపించేసాడు. నాయకుడికి.. ప్రతినాయకుడి మధ్య జరిగే వార్ నేపథ్యంలో సీన్స్ పైనే ఈ ట్రైలర్‌ను కట్ చేశారు.

రాకాసి పక్షి సృష్టించే విధ్వంసం ఈ ట్రైలర్ కి హైలైట్‌గా నిలుస్తోంది. అది హీరోను వెంటాడే షాట్స్ చూస్తే ఈ సినిమాలో గ్రాఫిక్స్ ఒక రేంజ్ లో వున్నాయనే విషయం అర్థమవుతోంది. ఉన్నట్టుండి అందరి చేతుల్లోని సెల్ ఫోన్లు గాల్లోకి ఎగిరిపోవడం .. ‘సెల్ ఫోన్ వాడుతున్న వాళ్లంతా హంతకులే’ అనే డైలాగ్‌ను అక్షయ్ కుమార్ చెప్పడం ఆసక్తిని రేకెత్తిస్తోంది. నవంబర్ 29వ తేదీన ఈ సినిమాను ప్రపంచవ్యాప్తంగా విడుదల చేయనున్నారు.