రత్తాలు..రత్తాలు అంటూ మెగాస్టార్ చిరంజీవితో ఖైదీ నెంబర్ 150 చిత్రంలో స్టెప్పులేసిన బ్యూటీ రాయ్‌ లక్ష్మీ. ప్రస్తుతం వేర్ ఈజ్ ది వెంకటలక్ష్మి అంటూ హారర్ కామెడీతో ప్రేక్షకుల ముందుకువస్తోంది. మార్చి 1న సినిమా రిలీజ్ కానుండగా ఆసక్తికర విషయాలను వెల్లడించింది.
కాంచనమాల కేబుల్ టీవీ చిత్రం ద్వారా టాలీవుడ్‌కి పరిచయమయ్యానని ..కానీ అంతకముందే తమిళ, కన్నడ, మలయాళ సినిమాల్లో నటించానని తెలిపింది. తెలుగులో తాను చేసిన సినిమాలకు పెద్దగా గుర్తింపురాలేదన్నారు. రెండో సినిమా బాలకృష్ణతో అధినాయకుడు చేశాను కానీ అది బాక్సాఫీస్ ముందు బోల్తాకొట్టింది. వాయిదాల మీద వాయిదా పడటం,రాంగ్‌ టైంలో అధినాయకుడు విడుదల కావడంతో టాలీవుడ్‌లో మళ్లీ నా కెరీర్ మొదటికి వచ్చిందని తెలిపింది.
తెలుగులో మంచి బ్రేక్ కోసం ఎదురుచూస్తున్నానని తెలిపిన ఈ బ్యూటీ జీవితం అంటేనే సక్సెస్, ఫెయిల్యూర్స్ కాంబినేషన్. కొన్నిసార్లు సినిమాలు పెద్దగా ఆడకపోయినా తాను పోషించిన పాత్రలకు మంచి రెస్పాన్స్ వచ్చిందని తెలిపింది.
ఖైదీ నంబర్ 150లోని రత్తాలు రత్తాలు పాట నాకు మంచి క్రేజ్ తెచ్చిపెట్టిందని తెలిపింది. ఈ పాట తర్వాత నన్ను రత్తాలు అని పిలువడం మొదలుపెట్టారంటే అది ఎంత సక్సెస్ సాధించిందో అర్ధమవుతుందని చెప్పింది. ప్రస్తుత జనరేషన్‌లో చాలా మార్పులు వస్తున్నాయని… మారిన పరిస్థితులను బట్టి మనం మారుతూ ఉండాలన్నారు.
