ఇది దేశద్రోహం..రాహుల్ ఫైర్

స్పెషల్ ఇంటెన్సివ్ రివిజన్ (SIR) మరియు ఓటర్ల జాబితా ప్రక్రియలలో ఇద్దరు ఎన్నికల కమిషనర్లు పలుమార్లు అభ్యంతరాలు వ్యక్తం చేశారంటూ వచ్చిన కథనంపై కాంగ్రెస్ నాయకుడు, లోక్‌సభ ప్రతిపక్ష నేత రాహుల్ గాంధీ తీవ్రంగా స్పందించారు. ఓట్ల దొంగతనం అనేది భారత ప్రజలపై జరుగుతున్న నేరమని, రాజ్యాంగంపై జరుగుతున్న ప్రత్యక్ష దాడిగా ఆయన అభివర్ణించారు.

ఈ ప్రక్రియను నిర్వహించిన బీజేపీ, ఆర్‌ఎస్‌ఎస్ మరియు ఎన్నికల సంఘం దేశద్రోహానికి పాల్పడ్డాయని ఆయన ఆరోపించారు. సోషల్ మీడియా వేదిక ఎక్స్ (X)లో ఒక వీడియోను షేర్ చేస్తూ రాహుల్ గాంధీ తీవ్రమైన వ్యాఖ్యలు చేశారు.

భారతదేశంలో ‘ఓట్ల దొంగతనం’ అనేది భారత ప్రజలకు వ్యతిరేకంగా జరిగే ఒక నేరం మరియు మన రాజ్యాంగంపై నేరుగా జరిగే దాడి. దీనిని అమలు చేసిన బీజేపీ, ఆర్‌ఎస్‌ఎస్ మరియు ఎన్నికల సంఘం (EC) దేశద్రోహానికి ఒడిగట్టాయి. త్వరలోనే న్యాయం జరుగుతుంది అన్నారు.తాను షేర్ చేసిన వీడియో సందేశంలో ఆయన ఎన్నికల సంఘం అధికారులను ఉద్దేశించి మాట్లాడుతూ హెచ్చరించారు.

Also Read:Kaaka:సెట్‌లో మెగా వేడుకలు..

నేను ఎన్నికల సంఘానికి, దాని అధికారులకు స్పష్టంగా చెబుతున్నాను…మీరు చేస్తున్నది తప్పు. ఇది దేశద్రోహం, దేశానికి వ్యతిరేకమైన చర్య. దీనిని మరచిపోకండి. సమయం వస్తుంది! మేము మిమ్మల్ని పట్టుకుంటాము! మీరు తప్పించుకోలేరు అన్నారు.

ప్రత్యేక సమగ్ర సవరణ (SIR) మరియు ఇతర నిర్ణయాలపై ప్రధాన ఎన్నికల కమిషనర్ జ్ఞానేష్ కుమార్‌తో ఇద్దరు ఎన్నికల కమిషనర్లు 10 నెలల కాలంలో 14 సార్లు ఆన్ రికార్డుగా విభేదించారనే కథనం వెలువడిన నేపథ్యంలో రాహుల్ గాంధీతో పాటు ప్రతిపక్ష నేతలు తమ దాడిని మరింత ఉధృతం చేశారు.