గాడ్‌ఫాదర్‌లో చిరుతో పూరి!

మెగాస్టార్ చిరంజీవి 153వ సినిమా `గాడ్ ఫాదర్’ ను ద‌ర్శ‌కుడు మోహన్ రాజా తెరకెక్కిస్తుండగా.. కొణిదెల ప్రొడక్షన్స్, సూపర్ గుడ్ ఫిల్మ్స్ కలిసి భారీగా నిర్మిస్తోన్న సంగతి తెలిసిందే. ఈ సినిమా కోసం సాంకేతిక పరంగా అత్యున్నత స్థాయి టెక్నీషియన్స్ పని చేస్తున్నారు. మాస్టర్ సినిమాటోగ్రఫర్ నీరవ్ షా కెమెరామెన్‌గా వ్యవహరిస్తుండగా తమన్ సంగీతం అందిస్తున్నారు.

ఇక ఈ సినిమాలో పూరి జగన్నాథ్ ఓ కీలకపాత్రలో కనిపించనున్నారు. ఒక జర్నలిస్టు పాత్రలో పూరి కనిపించనుండగా ఈ వార్త మెగా ఫ్యాన్స్‌కు కిక్ ఇస్తోంది.రాజకీయాలకి సంబంధించిన నేపథ్యంలో నిర్మితమవుతున్న ఈ సినిమాలో నయనతార ఒక ముఖ్యమైన పాత్రలో కనిపించనున్నారు. అలాగే ఈ సినిమాలో ఒక ముఖ్యమైన పాత్రను సల్మాన్ పోషించాడు.మలయాళ ‘లూసిఫర్’కి రీమేక్ గా తెరకెక్కుతోంది.