ప్రో కబడ్డి 7 విజేత బెంగాల్ వారియర్స్

ప్రో కబడ్డి లీగ్ లో బెంగాల్ ఢిల్లీ టీం లు ఫైనల్ కు చేరుకున్న సంగతి తెలిసిందే. ఉత్కంఠ పోరులో బెంగాల్ తొలిసారిగా విజయం సాధించింది. అహ్మదాబాద్ వేదికగా శనివారం రాత్రి దబాంగ్ ఢిల్లీతో జరిగిన ఫైనల్ మ్యాచ్‌లో 39-34 తేడాతో గెలిచిన బెంగాల్ టీమ్.. తొలిసారి టైటిల్‌ని ముద్దాడింది. ఈ ఫైనల్‌తో ప్రొ కబడ్డీ లీగ్ ఏడో సీజన్ ముగిసింది.

ఫైనల్‌ మ్యాచ్ ఆరంభంలోనే ఒత్తిడికి గురైన బెంగాల్ వారియర్స్ పాయింట్ల ఖాతా తెరిచేలోపే దబాంగ్ ఢిల్లీ 6-0తో ఆధిక్యంలో నిలిచింది. కానీ.. ఈ దశలో కెప్టెన్ మహ్మద్ వరుస రైడ్ పాయింట్లతో బెంగాల్ వారియర్స్‌ని మళ్లీ మ్యాచ్‌లోకి తీసుకొచ్చాడు. మ్యాచ్‌లో 13 సార్లు రైడ్‌కి వెళ్లిన మహ్మద్ 9 పాయింట్లతో ఆకట్టుకోగా.. డిఫెన్స్‌లో జీవా 4 పాయింట్లతో సత్తాచాటాడు.టైటిల్ పోరులో బెంగాల్ వారియర్స్ 39-34తో దబాంగ్ ఢిల్లీ జట్టుపై జయభేరి మోగించింది.