జల్సా, అత్తారింటికి దారేది లాంటి బ్లాక్ బస్టర్స్ తర్వాత పవన్ కళ్యాణ్- త్రివిక్రమ్ శ్రీనివాస్ కాంబినేషన్ లో ఓ మూవీ రూపొందేందుకు సన్నాహాలు చేసుకుంటుంది. ఇప్పటికే అగో … ఈగో అంటూ ఉరించిన ఈ మూవీపై భారీ అంచనాలు నెలకొన్నాయి. తొలుత ఈ చిత్రం ముందుగా జనవరిలో పట్టాలెక్కనుందని భావించినప్పటికి ఆ తర్వాత ఫిబ్రవరి అంటూ ప్రచారం జరిగింది. కానీ తాజా సమాచారం ప్రకారం ఉగాది తర్వాత పవన్- త్రివిక్రమ్ సినిమా రెగ్యులర్ షూటింగ్ వచ్చె నెల నుంచి ప్రారంభం కానుందని మెగా కాంపౌండ్ నుండి అందుతున్న సమాచారం.
ఇక ఇప్పటికే అభిమానులతో జల్సా చేయించినా అత్తారింటికి దారేదంటు అలరించిన అది వీరిద్దరికే చెల్లింది. దీంతో హ్యాట్రిక్ విజయం కోసం ఉవ్విళ్లూరుతున్న ఈ మూవీపై భారీ అంచనాలున్నాయి. ఈ మూవీలో పవన్ ని త్రివిక్రమ్ ఎలా చూపించబోతున్నాడు .. పవన్ పాత్ర తీరు తెన్నులు ఎలా ఉంటాయి?అనే విషయంలో అంతా ఆసక్తితో ఎదురుచూస్తున్నారు.
అమెరికా నుంచి తిరిగొచ్చిన పవన్ త్వరలో కాటమరాయుడు యూనిట్‌తో కలిసి రెగ్యులర్ షూటింగ్లో పాల్గొననున్నారు. ఈ సినిమా షూటింగ్ పూర్తికాగానే పవన్ త్రివిక్రమ్ మూవీని పట్టాలెక్కించనున్నాడు. ఈ సినిమాలో పవన్ సరసన కీర్తి సురేష్, అను ఇమ్యునెల్ నటించనున్నారు.
దీని తర్వాత దాసరి దర్శకత్వంలో సినిమాకు గ్రీన్ సిగ్నల్ ఇచ్చిన పవన్ తర్వాత మళ్లీ త్రివిక్రమ్ కాంబినేషన్‌లోనే మల్టీస్టారర్‌ సినిమా చేయనున్నాడు. మెగాస్టార్‌ చిరంజీవితో కలిసి పవన్ అలరించనున్నాడు. ఈ సినిమాను మెగా ప్రొడ్యూసర్స్‌ టి సుబ్బిరామిరెడ్డి, అశ్వినిదత్ నిర్మించనున్నారు. దీంతో 2017 మెగా అభిమానులకు కన్నులపండుగ కానుంది.
