ఎస్ఆర్‌టి ఎంటర్టైన్మెంట్స్ బ్యానర్‌పై కళ్యాణ్‌కృష్ణ కురసాల దర్శకత్వంలో, మాస్ మహారాజా ‘రవితేజ’ హీరోగా క్లాస్ మాస్ అంశాల మేళవింపుతో ఫ్యామిలీ యాక్షన్ ఎంటర్టైనర్‌గా రామ్ తాళ్లూరి నిర్మిస్తున్న చిత్రం నేల టిక్కెట్టు. ఇప్పటికే షూటింగు పరంగా ముగింపు దశకి చేరుకున్న ఈ చిత్రంలో రవితేజ సరసన మాళవిక శర్మ కథానాయికగా కనిపించనుంది.
ఇప్పటికే చిత్ర ప్రమోషన్‌లో బిజీగా ఉన్న సినిమా టీం ఆడియో వేడుకను మే 10న నిర్వహించేందుకు ఏర్పాట్లు చేస్తోంది. రవితేజ మూవీ ఆడియో రిలీజ్‌కు పవర్ స్టార్ పవన్ కల్యాణ్ ముఖ్య అతిథిగా వస్తున్నట్లు చిత్ర నిర్మాణ సంస్థ ఎస్‌ఆర్‌టీ ఎంటర్టైన్మెంట్స్ ట్వీట్ చేసింది. అయితే ఆడియో ఎక్కడ నిర్వహిస్తారనే దానిపై స్పష్టత ఇవ్వలేదు.
Mark you calender for @RaviTeja_offl #NelaTicket Audio launch on #May10th .
Chief Guest our own Power Star #PawanKalyan Garu
Stay tuned for more updates#MalvikaSharma #Priyadarshi #RajaniTalluri #kalyankrishna Film & #RamTalluri Production pic.twitter.com/XInTFr7xXa— SRT Entertainments (@SRTmovies) May 4, 2018
ఈ చిత్రంలో జగపతిబాబు, బ్రహ్మానందం, జయప్రకాశ్, రఘుబాబు, సుబ్బరాజు, ఆలి, పోసాని కృష్ణమురళి, అన్నపూర్ణమ్మ, ప్రియదర్శి, ప్రభాస్ శ్రీను, పృథ్వీ, సురేఖా వాణి, ప్రవీణ్ తదితరులు ముఖ్య పాత్రలు పోషిస్తున్నారు. ‘ఫిదా’ ఫేం శక్తికాంత్ కార్తీక్ సంగీతం అందించారు. ఈ నెల 24న ‘నేల టిక్కెట్టు’ ప్రేక్షకుల ముందుకు రానుంది.
ఇప్పటికే విడుదలైన టీజర్‌కి మంచిరెస్పాన్స్ వచ్చింది. నేల టికెట్ గాళ్ళతో పెట్టుకుంటే నేల నాకించేస్తారు అంటూ రవితేజ చెప్పిన డైలాగ్‌ అందరిని ఆకట్టుకుంటోంది.
