 పార్టీ కీలక నిర్ణయం తీసుకుంది. ముఖ్యమంత్రి ఎం.కె. స్టాలిన్ నేతృత్వంలోని DMK (డీఎంకే) కూటమికి తమ పూర్తి మద్దతును ప్రకటిస్తున్నట్లు ఒవైసీ వెల్లడించారు.){kind=link}
తమిళనాడు అసెంబ్లీ ఎన్నికల నేపథ్యంలో అసదుద్దీన్ ఒవైసీ నేతృత్వంలోని AIMIM (ఎంఐఎం) పార్టీ కీలక నిర్ణయం తీసుకుంది. ముఖ్యమంత్రి ఎం.కె. స్టాలిన్ నేతృత్వంలోని DMK (డీఎంకే) కూటమికి తమ పూర్తి మద్దతును ప్రకటిస్తున్నట్లు ఒవైసీ వెల్లడించారు.
తమిళనాడు అసెంబ్లీ పోరులో లౌకిక శక్తులను బలోపేతం చేయడమే లక్ష్యంగా ఎంఐఎం ఈ అడుగు వేసింది. రాష్ట్రంలో బీజేపీ, ఏఐఏడీఎంకే కూటమిని ఎదుర్కొనేందుకు డీఎంకే కూటమి సరైన వేదిక అని ఒవైసీ అభిప్రాయపడ్డారు.
తమ పార్టీ అభ్యర్థులు బరిలో లేని చోట, డీఎంకే కూటమి అభ్యర్థుల విజయానికి ఎంఐఎం శ్రేణులు పని చేస్తాయని ఒవైసీ స్పష్టం చేశారు. ఏప్రిల్ 23న జరగనున్న పోలింగ్లో మైనారిటీలు, అణగారిన వర్గాల ఓటర్లందరూ ఏకతాటిపైకి వచ్చి డీఎంకే కూటమిని గెలిపించాలని ఆయన కోరారు.
ముఖ్యమంత్రిగా స్టాలిన్ గడిచిన ఐదేళ్లలో అందించిన పాలన, సామాజిక న్యాయం పట్ల ఆయనకున్న నిబద్ధతను ఒవైసీ ప్రశంసించారు.తమిళనాడులో మైనారిటీ ఓటు బ్యాంకు కీలకంగా ఉన్న నియోజకవర్గాల్లో ఎంఐఎం నిర్ణయం డీఎంకేకు భారీ ప్లస్ పాయింట్ కానుంది. గతంలో ఒంటరిగా పోటీ చేయడం లేదా ఇతర చిన్న పార్టీలతో జతకట్టిన ఎంఐఎం, ఈసారి ప్రత్యక్షంగా డీఎంకే కూటమికి మద్దతు ఇవ్వడం వల్ల ఓట్ల చీలిక నివారించబడే అవకాశం ఉంది.
తమిళనాడు భవిష్యత్తు కోసం, రాష్ట్ర ప్రయోజనాల కోసం ప్రతి ఒక్కరూ డీఎంకే అభ్యర్థులకే ఓటు వేయాలి అని అసదుద్దీన్ ఒవైసీ పిలుపునిచ్చారు.
ALso Read:మళ్లీ వచ్చేది బీఆర్ఎస్ సర్కారే: కేసీఆర్