సీఈసీ జ్ఞానేష్‌పై విపక్షాల దాడి

ఎలక్షన్ కమిషన్ ఆఫ్ ఇండియా (ECI) తమకు తెలియకుండా తీసుకున్న కొన్ని నిర్ణయాలపై ఇద్దరు ఎన్నికల కమిషనర్లు “ఆన్ రికార్డు”గా అభ్యంతరం తెలిపారంటూ ఓ జాతియ దినపత్రిక ప్రచురించిన కథనం తర్వాత విపక్ష నేతలు ఎన్నికల సంఘంపై తీవ్రస్థాయిలో విరుచుకుపడ్డారు.

అయితే ఈ వ్యవహారంపై స్పందించిన అధికారులు.. ఏ ఎన్నికల కమిషనర్ కూడా భిన్నాభిప్రాయాన్ని తెలుపలేదని స్పష్టం చేశారు. వారు కేవలం కొన్ని పరిశీలనలు మాత్రమే చేశారని, వాటిని ఎన్నికల సంఘం పూసగుచ్చినట్లు పరిశీలించిందని  తెలిపారు.

ప్రధాన ఎన్నికల కమిషనర్ జ్ఞానేష్ కుమార్, ఎన్నికల కమిషనర్లు సుఖ్‌బీర్ సింగ్ సంధూ, వివేక్ జోషి – ఈ ముగ్గురు అధికారుల సంతకాలతోనే ECI తీసుకున్న అన్ని నిర్ణయాలు అమలయ్యాయని సంబంధిత వర్గాలు పేర్కొన్నాయి. ఏదైనా అంశంపై ముగ్గురిలో ఇద్దరు ఎన్నికల కమిషనర్లు అంగీకరిస్తే, మెజారిటీ నిర్ణయమే చెల్లుబాటు అయ్యేలా ECI నిబంధనలలో నిబంధన ఉందని వర్గాలు తెలిపాయి.

ఎస్‌ఐఆర్ (SIR) సహా భారత ఎన్నికల సంఘం తీసుకున్న అన్ని నిర్ణయాలు ఏకగ్రీవంగా ఇద్దరు ఎన్నికల కమిషనర్లు మరియు ప్రధాన ఎన్నికల కమిషనర్ ఆమోదంతోనే జరిగాయి” అని ఒక అధికారి తెలిపారు. పది నెలల కాలంలో ఫారమ్ 6లో మార్పులు మరియు ఓటర్ల జాబితా డేటా కేంద్రీకరణతో సహా పలు నిర్ణయాలపై సంధూ, జోషి కనీసం 14 సార్లు అధికారికంగా అభ్యంతరాలు వ్యక్తం చేసినట్లు ఆ నివేదిక పేర్కొంది. ‘రిజిస్ట్రేషన్ ఆఫ్ ఎలక్టర్స్ రూల్స్, 1960’కి సవరణలు చేయకుండా చట్టబద్ధమైన ఫారమ్‌ను మార్చలేమని, ఫారమ్ 6లోని మార్పులు “అక్రమం”, “అనధికారికం” అని ఇద్దరు కమిషనర్లు వ్యాఖ్యానించినట్లు కథనంలో ఉంది. తమ అభ్యంతరాలు ఉన్నప్పటికీ ఆ మార్పులను తొలగించలేదని సంధూ ఆ తర్వాత రికార్డు చేసినట్లు తెలుస్తోంది.

ఈ అంశం, ECI చేపట్టిన ఓటర్ల జాబితా ప్రక్షాళన ప్రక్రియ—స్పెషల్ ఇంటెన్సివ్ రివిజన్ (SIR)—పై ప్రతిపక్షాలు మరియు అధికార భాజపా మధ్య చాలా కాలంగా జరుగుతున్న పోరాటంలో కొత్త వివాదానికి తెరలేపింది. బీజేపీ ప్రయోజనాల కోసం ఓటర్లను తొలగించేందుకు ఈ ఎస్‌ఐఆర్ ప్రక్రియను రూపొందించారని విపక్షాలు ఆరోపిస్తున్నాయి.

Also Read:ఆసియా గేమ్స్..భారత్‌కు మరో పతకం

శివసేన (యుబిటి) నాయకుడు సంజయ్ రౌత్, కాంగ్రెస్ నాయకుడు మనీష్ తివారీ, సమాజ్‌వాదీ పార్టీ అధినేత అఖిలేష్ యాదవ్, డిఎంకె అధికార ప్రతినిధి శరవణన్ అన్నాదురైలు విమర్శనాస్త్రాలు సంధించారు.ప్రజాస్వామ్యానికి ఒక ప్రధాన ఎన్నికల కమిషనర్ చేయగలిగే అతిపెద్ద నేరాన్ని ఆయన బీజేపీ తరఫున చేస్తున్నారు. బీజేపీ ఆయనకు మినహాయింపు (రక్షణ) ఇచ్చి ఉండవచ్చు, కానీ చరిత్రలో ఆయన పేరు నల్లటి అక్షరాలతో రాసి ఉంటుందని ఆయనకు తెలియదు. నివేదికలోని ఆరోపణలు నిజమైతే, ఈ వ్యక్తి ఈ కుర్చీలో ఉన్నంత కాలం స్వేచ్ఛగా, నిష్పాక్షికంగా ఎన్నికలు జరగడం అసాధ్యం. మహారాష్ట్ర, పశ్చిమ బెంగాల్ మరియు ఇతర రాష్ట్రాల్లో బీజేపీ గెలిచిన తీరుపైనే అనుమానాలు వ్యక్తమవుతున్నాయి” అని రౌత్ వ్యాఖ్యానించారు.