నందమూరి తారకరామారావు జీవితకథ ఆధారంగా రెండు సినిమాలు తెరకెక్కుతున్న సంగతి తెలిసిందే. ఒకటి ఆయన తనయుడు, హీరో నందమూరి బాలకృష్ణ నిర్మిస్తుండగా మరొకటి రాంగోపాల్ వర్మ దర్శకత్వంలో తెరకెక్కనుంది. ‘లక్ష్మీస్ ఎన్టీఆర్’ పేరుతో తెరకెక్కుతున్న ఈ సినిమాను వచ్చే ఏడాది ఫిబ్రవరిలో ప్రారంభించి అక్టోబర్ లో రిలీజ్ చేసేందుకు ప్లాన్ చేస్తున్నాడు.
ఇదిలా ఉండగా ఎన్టీఆర్ బయోపిక్ తీస్తానంటూ తాజాగా మరో నిర్మాత కూడా ప్రకటించాడు. తమిళనాడు తెలుగు యువశక్తి అధ్యక్షుడు కేతిరెడ్డి జగదీశ్వరరెడ్డి ఎన్టీఆర్ పై సినిమా తీస్తానని ప్రకటించి అందరిని ఆశ్చర్యానికి గురిచేశారు. తన చిత్రంలో సీనియర్ నటి వాణీ విశ్వనాథ్ ఓ ముఖ్యమైన పాత్రను పోషిస్తుందని కూడా ఆయన తెలిపారు.
ఈ సినిమాకు ‘లక్ష్మీస్ వీరగ్రంథం’ అంటూ టైటిల్ కూడా ప్రకటించారు. దీంతో బాలయ్య చేయబోయే ఎన్టీఆర్ బయోపిక్ టైటిల్ ఏంటి? అనే దానిపై సస్పెన్స్ కొనసాగుతోంది.
