త్రివిక్రమ్ – మహేష్ కలయికలో రాబోతున్న సినిమా షూటింగ్ ప్రస్తుతం హైదరాబాద్‌లో వేసిన ఓ భారీ సెట్‌లో శరవేగంగా జరుగుతుంది. ముందు అనుకున్న షెడ్యూల్ ప్రకారం.. ఇప్పుడు జరుగుతున్న షూట్ కి గ్యాప్ ఇవ్వాలి. కానీ, మహేష్ గ్యాప్ ఇవ్వలేదు. పైగా కంటిన్యూస్ గా షూటింగ్‌లో మహేష్ పాల్గొంటున్నాడు. దాంతో SSMB28కి సంబంధించిన షూట్ ను అనుకున్న సమయం కంటే చాలా ముందుగానే పూర్తి అవుతుందట. సమ్మర్ తర్వాత రాజమౌళి సినిమా మీదకు మహేష్ వెళ్లాల్సి ఉంది.
అందుకే, ఎట్టిపరిస్థితుల్లో త్రివిక్రమ్ సినిమాని చాలా వేగంగా పూర్తి చేయడానికి మహేష్ అహర్నిశలు శ్రమిస్తున్నాడు. ఇందులో భాగంగానే షెడ్యూల్స్ మధ్య గ్యాప్ ఇవ్వడం లేదు. గ్యాప్ లేకుండా వరుసగా డేట్స్ ఇస్తున్నాడు. అవసరం అయితే, సండే కూడా షూటింగ్ కి తాను గ్రీన్ సిగ్నల్ ఇవ్వడానికి రెడీ అని మహేష్ త్రివిక్రమ్ తో చెప్పినట్లు తెలుస్తోంది. పూర్తి ఢిల్లీ నేపథ్యంలో ఈ సినిమా సాగనుంది.
పైగా ఈ సినిమాలో మహేష్ బాబు ఒక పొలిటికల్ అనలైజర్ గా కనిపించబోతున్నాడు. రాజకీయ నేపథ్యంలో త్రివిక్రమ్ కొన్ని ఇంట్రెస్టింగ్ అంశాలను ఈ సినిమాలో ఎంటర్ టైన్ గా ప్రస్తావించబోతున్నట్లు తెలుస్తోంది. ఏది ఏమైనా ఖలేజా తర్వాత మహేష్ – త్రివిక్రమ్ కలయికలో సినిమా వస్తుండే సరికి ఈ సినిమా పై భారీ అంచనాలు ఉన్నాయి. అందుకే ఈ సినిమాకి భారీ బజ్ క్రియేట్ అయ్యింది.
ఇవి కూడా చదవండి…
