సోనియాతో నితీశ్‌, లాలూ భేటీ

బీజేపీకి వ్యతిరేకంగా పోరాడేందుకు విపక్షాలన్నింటిని ఒకేతాటిపైకి తెచ్చే ప్రయత్నాలు జరుగుతున్నాయి. ఈ నేపథ్యంలో ఇవాళ కాంగ్రెస్ అధినేత్రి సోనియా గాంధీతో భేటీ కానున్నారు బిహార్ సీఎం నితీశ్ కుమార్, ఆర్జేడీ నేత, మాజీ సీఎం లాలూ ప్రసాద్ యాదవ్.

గత ఐదేండ్లలో ఈ ముగ్గురు అగ్రనాయకులు కలుసుకోవడం ఇదే మొదటిసారికాగా జాతీయ స్ధాయిలో బీజేపీకి వ్యతిరేకంగా కూటమి ఏర్పాటుపై ప్రధానంగా చర్చించే అవకాశం ఉంది.

బీజేపీని అధికారం నుంచి తరిమికొట్టాలంటే ప్రతిపక్షాలన్నీ ఏకం కావాలని పిలుపునిచ్చారు లాలూ. బీహార్‌లో బీజేపీ అధికారంలో ఉన్నప్పుడు జంగిల్‌రాజ్‌ గురించి మాట్లాడని అమిత్‌ షా.. ఇప్పుడు మాట్లాడుతున్నారని, అసలు జంగిల్‌రాజ్‌ గుజరాత్‌లో ఉందని చురకలంటించారు.