ఎన్టీఆర్ బయోపిక్ ప్ర‌స్తుతం క్రిష్ ద‌ర్శ‌క‌త్వంలో తెర‌కెక్కుతుండ‌గా,విష్ణు ఇందూరి,సాయి కొర్రపాటిలతో కలిసి బాలకృష్ణ ఈ చిత్రాన్ని నిర్మిస్తున్నారు. వచ్చే ఏడాది సంక్రాంతి కానుకగా విడుదల కానుంది. ఇప్ప‌టి వ‌ర‌కు ఎన్టీఆర్‌గా బాల‌య్య, చంద్ర‌బాబుగా రానా లుక్స్ మాత్ర‌మే విడుద‌ల‌య్యాయి. నేడు ఏఎన్నార్ జ‌యంతి సంద‌ర్భంగా ‘ఎన్టీఆర్ బయోపిక్’ చిత్రం నుండి ఏఎన్ఆర్ ఫస్ట్ లుక్ కూడా విడుదల చేసిన సంగతి తెలిసిందే. చిత్రంలో ఏఎన్ఆర్‌గా ఆయ‌న మ‌న‌వ‌డు సుమంత్ న‌టిస్తుండ‌గా, ఏఎన్ఆర్ లుక్‌లో సుమంత్ అచ్చు గుద్దిన‌ట్టున్నాడు.
ఇక తాజాగా ఈ సినిమా నుంచి మరో స్పెషల్ పోస్టర్‌ను రిలీజ్ చేశారు. ఎన్టీఆర్.. ఏఎన్నార్‌కి సంబంధించిన పాత స్టిల్స్‌ను చూస్తే ఒకచోట ఎన్టీఆర్ సిగరెట్‌ను వెలిగిస్తూ అక్కినేని కనిపిస్తారు. ఈ ఫోటో వాళ్ల సాన్నిహిత్యానికి అద్దం పడుతుంది.. అదే స్టిల్‌ను పోస్టర్‌గా రిలీజ్ చేశారు. ఎన్టీఆర్‌గా బాలకృష్ణ.. అక్కినేనిగా సుమంత్ ఎంతగా కుదిరారనేది ఈ పోస్టర్లో కనిపిస్తోంది.
