మాజీ ముఖ్య‌మంత్రి, మ‌హాన‌టుడు నందమూరి తార‌క‌రామారావు జీవిత చ‌రిత్ర ఆధారంగా ఎన్టీఆర్ బయోపిక్ తెరకెక్కనున్న విష‌యం తెలిసిందే. ఎన్టీఆర్ బయోపిక్ ను బాలకృష్ణ భారీ బడ్జెట్‌లో ఈ మూవీని నిర్మిచబోతున్నారు. ముందుగా ఈ చిత్రాన్ని తేజ డైరెక్షన్‌లో తెరకెక్కంచాల్సివుండగా కొన్ని కారణాల వలన తేజ తప్పుకోవడంతో క్రిష్ దర్శకత్వంలో ‘ఎన్టీఆర్’ బయోపిక్ రూపొందనుంది. ఈ బయోపిక్ లో కీలకమైన పాత్రల కోసం పల్లు భాషలకు చెందిన పలువురు నటులను దర్శకుడు క్రిష్‌తో కలిసి బాలయ్య ఎంపిక చేస్తున్నారు.
రేపు ఈ సినిమా రెగ్యులర్ షూటింగ్ మొదలుకానుంది. ఈ సినిమాలో యంగ్ ఎన్టీఆర్ గా శర్వానంద్ కనిపింనున్నట్లు సమాచారం. కానీ అందులో వాస్తవం లేదని తెలుస్తోంది. యంగ్ ఎన్టీఆర్ గా మోక్షజ్ఞ కనిపిస్తేనే నందమూరి అభిమానులు సంతృప్తి చెందుతారని బాలకృష్ణతో క్రిష్ చెప్పారట. అయితే ఈ సినిమా ద్వారానే మోక్షజ్ఞ ఎంట్రీ ఇస్తే బాగుంటుందని భావించిన బాలకృష్ణ .. అందుకు మోక్షజ్ఞను సిద్ధం చేస్తున్నారని అంటున్నారు.
అయితే మోక్షజ్ఞ కాస్త బొద్దుగా ఉంటాడు కనుక ఈ సినిమాలో పాత్ర కోసం ఆయన కాస్త సన్నబడితే బాగుంటుందని క్రిష్ సూచించాడని సమాచారం. దాంతో తన పోర్షన్ షూటింగ్ సమయానికి సన్నబడి ఫిట్ నెస్ ను సాధించడం కోసం మోక్షజ్ఞ సింగపూర్ వెళ్లాడని అంటున్నారు. ఇక ఈ మూవీలో హరికృష్ణ .. కల్యాణ్ రామ్ కూడా ముఖ్యమైన పాత్రల్లో నటించనున్నట్లు తెలుస్తోంది.
