28 ఏళ్ళ క్రితం వచ్చిన ‘శివ’ సినిమాతో సంచలనాలు క్రియేట్ చేసి, చివరిగా 1992లో వచ్చిన అంతం సినిమా కోసం కలిసి పనిచేసిన నాగార్జున- వర్మ కాంబినేషన్ ఇప్పుడు మళ్ళీ రిపీట్‌ అవుతున్న విషయం తెలిసిందే.
తాజాగా ఈ చిత్రానికి ఆఫీసర్ అనే టైటిల్ ఫిక్స్ చేశారు. మే 25న సినిమా విడుదల చేయబోతున్నట్టు ప్రకటించారు వర్మ. శ్రీదేవి మరణ వార్తతో కాస్త డిప్రెషన్ కి లోనైన తాను కొంత సానుకూలత కోసం ఈ సినిమా టైటిల్,పోస్టర్, రిలీజ్ డేట్ ని ప్రకటిస్తున్నట్టు తన ట్విట్టర్ ద్వారా తెలియజేశారు వర్మ. యాక్షన్ డ్రామాగా తెరకెక్కుతున్న ఈ చిత్రం ఇటీవలే మేజర్ పార్ట్ చిత్రీకరణ జరుపుకుంది. ప్రస్తుతం క్లైమాక్స్ షూటింగ్ జరుపుకుంటున్న ఈ మూవీ లో నాగ్ పోలీస్ ఆఫీసర్ గా కనిపించనున్నాడు.
ఈ చిత్రంలో మైరా సరీన్ అనే కొత్త అమ్మాయి కథానాయికగా నటిస్తుంది. కంపెనీ బేనర్ లో వర్మ నిర్మిస్తున్న ఈ మూవీలో కింగ్ నాగ్ సిక్స్ ప్యాక్ తో కనిపించనున్నాడని టాక్‌.
After all the negativity around Sridevi,I am truly wanting some positivity and releasing the title,first look poster and release date of my most ambitious film with @iamnagarjuna #NAGRGV4 is now #OFFICERhttps://t.co/AKe5VgUFKc
— Ram Gopal Varma (@RGVzoomin) February 27, 2018
